മാധ്യമ പ്രവര്ത്തകന് എസ് വി പ്രദീപിന്റെ അപകടമരണത്തിന് പിന്നിലെ ദുരൂഹത നീക്കണം എന്ന് പ്രതിപക്ഷ നേതാവ് രമേശ് ചെന്നിത്തല. പ്രദീപ് സഞ്ചരിച്ച ഇരുചക്രവാഹനത്തെ ഇടിച്ച വണ്ടി ഏതെന്ന് കണ്ടെത്താന് കഴിഞ്ഞിട്ടില്ലന്നാണ് അറിയുന്നത്. ഇക്കാര്യത്തില് ഉന്നതതല അന്വേഷണം നടത്തണം. വസ്തുതകള് പുറത്ത് കൊണ്ടുവരണമെന്നും രമേശ് ചെന്നിത്തല പറഞ്ഞു.
തിരുവനന്തപുരം നേമത്തിനടുത്തു വെച്ച് പ്രദീപിന്റെ വാഹനത്തില് മറ്റൊരു വാഹനം ഇടിക്കുകയായിരുന്നു. കാരയ്ക്കാ മണ്ഡപത്തിനടുത്ത് മൂന്നരയ്ക്കായിരുന്നു അപകടം. ആക്ടീവയില് സഞ്ചരിക്കുകയായിരുന്ന പ്രദീപിനെ അതേദിശയില് വന്ന വാഹനമിടിക്കുകയായിരുന്നു. ഇടിച്ച വാഹനം നിര്ത്താതെ പോയി. ഇടിച്ച വണ്ടി തിരിച്ചറിഞ്ഞിട്ടില്ല. മൃതദേഹം തിരുവനന്തപുരം മെഡിക്കല് കോളജില് സൂക്ഷിച്ചിരിക്കുകയാണ്.
ഭാരത് ലൈവ് എഡിറ്റോറിയല് ഡയറക്ടറായി ജോലി ചെയ്യുകയായിരുന്നു. കൈരളി, മംഗളം, ഹെറാള്ഡ് ന്യൂസ് ടി വി, വെബ് ദുനിയ മലയാളം തുടങ്ങിയ മാധ്യമ സ്ഥാപനങ്ങളില് ജോലി ചെയ്തിരുന്ന പ്രദീപ് തിരുവനന്തപുരം പ്രസ് ക്ലബ്ബ് പൂര്വ്വ വിദ്യാര്ത്ഥിയാണ്.