കോഴിക്കോട്: വോട്ട് ചെയ്ത് വീട്ടിലേക്ക് മടങ്ങുന്ന വഴി വൃദ്ധ റോഡില്‍ കുഴഞ്ഞു വീണ് മരിച്ചു. ബേപ്പൂര്‍ ഹാര്‍ബര്‍ റോഡിന് എതിര്‍വശത്തുള്ള നങ്ങ്യാര്‍ വീട്ടില്‍ ദേവി (70) ആണ് മരിച്ചത്.
രാവിലെ 9.30 ഓടെയാണ് സംഭവം. ബേപ്പൂര്‍ സൗത്ത് ജിഎല്‍പി സ്‌കൂളിലെ ബൂത്തിലായിരുന്നു ഇവര്‍ക്ക് വോട്ടുണ്ടായിരുന്നത്.
ഇവിടെയെത്തി വോട്ട് രേഖപ്പെടുത്തിയ ശേഷം പുറത്തേക്ക് കടന്ന് റോഡിലൂടെ വീട്ടിലേക്ക് പോകവെ കുഴഞ്ഞു വീഴുകയായിരുന്നു. ഉടന്‍ തന്നെ സമീപത്തെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.