ന്യൂഡല്ഹി : സമരത്തിലുള്ള കര്ഷക സംഘടനാ പ്രതിനിധികളെ കേന്ദ്ര ആഭ്യന്തര മന്ത്രി അമിത് ഷാ കാണും. ഇന്ന് വൈകിട്ട് ഏഴിന് അമിത് ഷായുടെ വസതിയിലാണ് കൂടിക്കാഴ്ച. സമരം ദിനംപ്രതി ശക്തിപ്പെടുന്ന സാഹചര്യത്തിലാണ് ആഭ്യന്തര മന്ത്രി തന്നെ നേരിട്ട് ഇടപെടുന്നത്.
ഭാരത് ബന്ദിന്റെ ഭാഗമായുള്ള പ്രക്ഷോഭത്തില് പങ്കെടുത്ത ആം ആദ്മി നേതാവ് അരവിന്ദ് കെജ്രിവാള്, ഇടതു നേതാക്കള്, ഭീം ആര്മി നേതാവ് ചന്ദ്രശേഖര് ആസാദ് എന്നിവരെയെല്ലാം രാജ്യത്തിന്റെ വിവിധ ഭാഗങ്ങൡ നിന്ന് പോലീസ് അറസ്റ്റ് ചെയ്തിട്ടുണ്ട്. വീട്ടുതടങ്കലിലാണെന്ന് കെജ്രിവാളും സി പി എം പോളിറ്റ് ബ്യൂറോ അംഗം സുഭാഷിണി അലിയും തമിഴ്നാട്ടിലെ കര്ഷക നേതാവ് അയ്യാകണ്ണും പ്രതികരിച്ചു.