തിരുവനന്തപുരം: ഐടി വകുപ്പിലെ ജോലിക്കായി വ്യാജ സര്‍ട്ടിഫിക്കറ്റ് ഹാജരാക്കിയ കേസില്‍ സ്വപ്ന സുരേഷിനെ വീണ്ടും ചോദ്യം ചെയ്യാനൊരുങ്ങി പോലീസ്.
വ്യാജ സര്‍ട്ടിഫിക്കറ്റിന്‍റെ അസല്‍ പകര്‍പ്പ് പോലീസിന് ഇതുവരെ കണ്ടെത്താനായിട്ടില്ല. വ്യാജ സര്‍ട്ടിഫിക്കറ്റ് നശിപ്പിക്കപ്പെട്ടതായി സംശയിക്കുന്നു. ഈ സാഹചര്യത്തിലാണ് സ്വപ്നയെ വീണ്ടും ചോദ്യം ചെയ്യാന്‍ നീക്കം നടത്തുന്നത്.
തട്ടിപ്പില്‍ കൂടുതല്‍ പേര്‍ക്ക് പങ്കുണ്ടാേ എന്നും സംശയിക്കുന്നുണ്ട്. സ്‌പെയിസ് പാര്‍ക്കില്‍ ജോലി നേടുന്നതിന് അടക്കമാണ് സ്വപ്ന വ്യാജ സര്‍ട്ടിഫിക്കറ്റ് ഉപയോഗിച്ചത്. കേസില്‍ പ്രൈസ് വാട്ടര്‍ ഹൗസ് കൂപ്പര്‍ പ്രതിനിധിയുടെ മൊഴിയും രേഖപ്പെടുത്തിയിട്ടുണ്ട്.