ന്യൂഡൽഹി : ഡല്‍ഹി ഉപമുഖ്യമന്ത്രി മനീഷ് സിസോദിയുടെ പേര് പരാമര്‍ശിച്ച്‌ ഡല്‍ഹി കലാപത്തിലെ കുറ്റപത്രം. കലാപ ഉണ്ടായ സമയത്ത് പൊലീസ് നടപടി എടുത്തില്ലെന്ന ആക്ഷേപം ഉയര്‍ത്തി വാര്‍ത്താ സമ്മേളനം നടത്താന്‍ സിസോദിയ ആവശ്യപ്പെട്ടെന്നാണ് ഡല്‍ഹി പൊലീസ് സമര്‍പ്പിച്ച കുറ്റപത്രത്തില്‍ വ്യക്തമാക്കുന്നത്.
ഉമര്‍ ഖാലിദ് ഉള്‍പ്പെടെയുള്ളവര്‍ അംഗങ്ങളായ വാട്‌സ് ആപ്പ് ഗ്രൂപ്പില്‍ സിനിമ പ്രവര്‍ത്തകന്‍ രാഹുല്‍ റോയി ഇട്ട സന്ദേശം അടിസ്ഥാനപ്പെടുത്തിയാണ് ഡല്‍ഹി പൊലീസിന്‍്റെ പരാമര്‍ശം. പൊലീസിന് നേരെയുള്ള ഗൂഢാലോചനയാണ് ഇതെന്നും കുറ്റപത്രത്തില്‍ ആക്ഷേപിക്കുന്നുണ്ട്.ഇന്നലെയാണ് ഡല്‍ഹി കലാപം അന്വേഷിച്ച പൊലീസ് സംഘം കുറ്റപത്രം കോടതിയില്‍ സമര്‍പ്പിച്ചത്.