മാനസിക വെല്ലുവിളി നേരിടുന്ന യുവതിയെ ലൈംഗികമായി പീഡിപ്പിച്ചു; പാസ്റ്റർ അറസ്റ്റിൽ
തിരുവനന്തപുരം: മാനസിക വെല്ലുവിളി നേരിടുന്ന യുവതിയെ പീഡിപ്പിച്ച കേസില്‍ പാസ്റ്റര്‍ അറസ്റ്റില്‍. പാസ്റ്റര്‍ വില്യം ജോണ്‍ ആണ് അറസ്റ്റിലായത്. തിരുവനന്തപുരത്താണ് സംഭവം. കേസില്‍ യുവതിയുടെ ഭര്‍ത്താവിനെയും പോലീസ് അറസ്റ്റ് ചെയ്തു.
കുട്ടികളില്ലാത്ത യുവതിയെ ചികിത്സയ്‌ക്കെന്ന് പറഞ്ഞ് എറണാകുളത്ത് എത്തിച്ചായിരുന്നു പീഡനം. എറണാകുളത്തുള്ള വില്യം ജോണിന്റെ വീട്ടിലാണ് പെണ്‍കുട്ടിയെ എത്തിച്ചത്.
40 ശതമാനത്തോളം മാനസിക വൈകല്യമുള്ള പെണ്‍കുട്ടിയെ ഭര്‍ത്താവാണ് വില്യം ജോണിന്റെ വീട്ടിലെത്തിച്ചത്. യുവതി എതിര്‍ത്തിട്ടും കഴുത്തിന് പിടിച്ച്‌ ഭീഷണിപ്പെടുത്തിയായിരുന്നു പീഡനമെന്ന് പ്രാഥമിക അന്വേഷണ റിപ്പോര്‍ട്ടില്‍ പോലീസ് വ്യക്തമാക്കുന്നു.
പീഡന വിവരം അറിഞ്ഞതിനെ തുടര്‍ന്ന് യുവതിയുടെ സഹോദരിയാണ് പോലീസില്‍ പരാതി നല്‍കിയത്. തുടര്‍ന്ന് നടത്തിയ അന്വേഷണത്തിലാണ് ഭര്‍ത്താവിനെയും പാസ്റ്ററിനേയും പിടികൂടിയത്. ഇരുവരെയും നെയ്യാറ്റിന്‍കര കോടതിയില്‍ ഹാജരാക്കി റിമാന്‍ഡ് ചെയ്തിരിക്കുകയാണ്.
There are no comments at the moment, do you want to add one?
Write a comment