കണ്ണൂര്: ഇന്കം ടാക്സ് ഓഫീസര് എന്ന വ്യാജേന ജ്വല്ലറിയില് തട്ടിപ്പ് നടത്തിയ പ്രതിക്കായി പോലീസ് അന്വേഷണം നടത്തുന്നു. തട്ടിയ ആള് സംസ്ഥാനം കടന്നു എന്ന സംശയത്തിന്റെ പേരില് അന്വേഷണം കര്ണാടകയിലേക്കും നടത്തും.
കഴിഞ്ഞ ചൊവ്വാഴ്ചയാണ് പ്രതി കണ്ണൂര് നഗരത്തിലെ ജ്വല്ലറിയില് നിന്ന് സ്വര്ണം തട്ടിയെടുത്തത്. ഇന്കം ടാക്സ് ഓഫീസര് ആണെന്നാണ് ഇയാള് പരിചയപ്പെടുത്തിയത്. ആഭരണം വാങ്ങിയ ശേഷം ഓണ്ലൈനായി പണം ട്രാന്സ്ഫര് ചെയ്തു എന്ന് തെറ്റിധരിപ്പിച്ചു. പ്രതിയുടെ മുഖമടങ്ങുന്ന സിസിടിവി ദൃശ്യങ്ങള് പൊലീസ് ശേഖരിച്ചു. ഇയാള് ഇതേ രീതിയില് കാസര്കോടും തട്ടിപ്പ് നടത്തിയിരുന്നു.