Asian Metro News

കോവിഡ് വാക്‌സിൻ: രണ്ടാമത്തെ കമ്പനിയുമായും കരാർ ഒപ്പുവെച്ചു

 Breaking News

കോവിഡ് വാക്‌സിൻ: രണ്ടാമത്തെ കമ്പനിയുമായും കരാർ ഒപ്പുവെച്ചു

കോവിഡ് വാക്‌സിൻ: രണ്ടാമത്തെ കമ്പനിയുമായും കരാർ ഒപ്പുവെച്ചു
October 26
06:52 2020

ദോഹ : കോവിഡ്​ വാക്​സിന്‍ ലഭ്യമാകുന്നതിനനുസരിച്ച് രാജ്യത്ത്​ എത്തിക്കുന്നതിനായി പൊതുജനാരോഗ്യമന്ത്രാലയം രണ്ടാമത്തെ കമ്പനിയുമായും കരാറില്‍ ഒപ്പുവെച്ചു. അമേരിക്കയിലെ മസാചുസെറ്റ്​സ്​ ആസ്​ഥാനമായ ‘മോഡേണ’ ബയോടെക്​ കമ്പനിയുമായാണ്​ പുതുതായി കരാറില്‍ ഒപ്പുവെച്ചിരിക്കുന്നതെന്ന്​ നാഷനല്‍ ഹെല്‍ത്ത് സ്​ട്രാറ്റജിക് ഗ്രൂപ് ചെയര്‍മാനും എച്ച്‌.എം.സി ഇന്‍ഫെക്​ഷസ്​ ഡിസീസ്​ മേധാവിയുമായ ഡോ. അബ്​ദുല്‍ലത്തീഫ്​ അല്‍ ഖാല്‍ പറഞ്ഞു. തുടക്കം മുതല്‍ തന്നെ കോവിഡ്​ വാക്​സിന്‍ വികസിപ്പിക്കുന്നതിനും പരീക്ഷിക്കുന്നതിനും പരിശ്രമിക്കുന്ന കമ്പനിയാണിത്​. കമ്പനിയുടെ ഒന്ന്​, രണ്ട്​ ഘട്ട പരീക്ഷണങ്ങളിലും ക്ലിനിക്കല്‍ ട്രയലുകളും വിജയകരമായിരുന്നു.
ആരോഗ്യവാന്‍മാരായ ആളുകളില്‍ കമ്പനി വികസിപ്പിച്ച മരുന്ന്​ പ്രയോഗിച്ചപ്പോള്‍ അവരുടെ ശരീരത്തില്‍ കോവിഡിനെതിരായ ആന്‍റിബോഡികള്‍ ഉണ്ടായിട്ടുണ്ട്​. ടി സെല്ലില്‍ നിന്നുള്ള രോഗപ്രതിരോധശേഷിയും ഉണ്ടായിട്ടുണ്ട്​. ആയിരക്കണക്കിന്​ സന്നദ്ധപ്രവര്‍ത്തകരില്‍ കൂടുതല്‍ പരിശോധനകള്‍ നടന്നുകൊണ്ടിരിക്കുകയാണ്​. നിലവിലുള്ള ഫലങ്ങള്‍ ആശവാഹമാണ്​. ഏറ്റവും ഫലപ്രദമായ വാക്​സിന്‍ ലഭ്യമാകുമെന്നുതന്നെയാണ്​ പ്രതീക്ഷിക്കുന്നതെന്നും അദ്ദേഹം പറഞ്ഞു. ‘മോഡേണ’ കമ്പനിയുടെ വാക്​സിന്‍ പരീക്ഷണങ്ങള്‍ ഉന്നതഗുണമേന്മയുള്ളതാണ്​. 30,000 ആളുകളാണ്​ ഇതുമായി ബന്ധപ്പെട്ട വിവിധ ഘട്ടങ്ങളില്‍ ഉള്‍പ്പെടുന്നത്​. 2021 ആദ്യത്തില്‍ 500 മില്യന്‍ ഡോസ്​ വാക്​സിന്‍ ലോകത്തിന്‍റ വിവിധ ഭാഗങ്ങളില്‍ എത്തിക്കാന്‍ കഴിയുമെന്നാണ്​ കമ്പനി പറയുന്നത്​. സാര്‍സ്​-കോവ്-2നെതിരായ ബി.എന്‍.ടി 162 എം.ആര്‍.എന്‍.എ (BNT162 mRNA) അടിസ്​ഥാനമാക്കിയുള്ള കാന്‍ഡിഡേറ്റ് വാക്സിന്‍ ലഭ്യമാക്കുന്നതിന് അമേരിക്ക ആസ്​ഥാനമായ ഫൈസര്‍ ആന്‍ഡ്​​ ബയോന്‍ടെക്​ എന്ന കമ്പനിയുമായി ഒക്​ടോബര്‍ ആദ്യത്തില്‍ ആരോഗ്യമന്ത്രാലയം കരാര്‍ ഒപ്പുവെച്ചിരുന്നു. ​

ഇവരുടെ വാക്സിനുകളും ക്ലിനിക്കല്‍ പരീക്ഷണങ്ങളിലാണ്​. എല്ലാ അംഗീകാരങ്ങളും ലഭ്യമാകുന്നതോടെ വാക്​സിന്‍ വിതരണം ചെയ്യും. ഈ വര്‍ഷം അവസാനത്തോടെയോ അടുത്ത വര്‍ഷം ആദ്യത്തിലോ വാക്സിന്‍ ലഭ്യമാകുമെന്നാണ് പ്രതീക്ഷിക്കുന്നത്​.വാക്സിന്‍ ലഭ്യമാകുന്നതു വരെ എല്ലാവരും സുരക്ഷാ മുന്‍കരുതലുകള്‍ പാലിക്കുന്നതില്‍ കാര്‍ക്കശ്യം പുലര്‍ത്തണം. ഇതില്‍ വീഴ്ച വരുത്തരുത്​. മഹാമാരിക്കെതിരെ ഖത്തര്‍ സ്വീകരിച്ച സമഗ്രവും തന്ത്രപ്രധാനവുമായ നടപടികള്‍ രാജ്യത്ത് രോഗവ്യാപനം തടയുന്നതില്‍ മുഖ്യ പങ്ക് വഹിച്ചു. കോവിഡ്-19 വ്യാപനം തടയുന്നതില്‍ വിജയിച്ചുവെങ്കിലും മറ്റു രാജ്യങ്ങളെ പോലെ കുറച്ച്‌ കാലം കോവിഡ്-19നൊപ്പം നാം ജീവിക്കേണ്ടി വരും. മാസ്​ക് ധരിക്കുക, സുരക്ഷിത അകലം പാലിക്കുക, കൂടിച്ചേരലുകള്‍ പരമാവധി ഒഴിവാക്കുക തുടങ്ങിയ പ്രധാന സുരക്ഷാ മുന്‍കരുതലുകള്‍ എല്ലാവരും പാലിക്കണം. വൈറസിനെതിരായ കൃത്യമായ വാക്സിന്‍ ലഭ്യമായാല്‍ മാത്രമേ പൂര്‍ണമായും സാധാരണ ജീവിതത്തിലേക്ക് മടങ്ങാന്‍ സാധിക്കുകയുള്ളൂവെന്നും ഡോ. ഖാല്‍ പറഞ്ഞു.

രണ്ടാ​മത്തെ കമ്പനിയുമായും ഇത്തരത്തില്‍ കരാര്‍ ഒപ്പുവെക്കാന്‍ കഴിഞ്ഞത്​ ഈ രംഗത്തുള്ള വന്‍നേട്ടമാണെന്നും കോവിഡ്​ പ്രതിരോധ പ്രവര്‍ത്തനത്തില്‍ നല്ല മുന്നേറ്റമാണ്​ ഇതോടെ ഉണ്ടായിരിക്കുന്നതെന്നും അധികൃതര്‍ പറഞ്ഞു.ലോകത്തെ മുന്‍നിര ഫാര്‍മസ്യൂട്ടിക്കല്‍ കമ്പനികളുമായി പൊതുജനാരോഗ്യ മന്ത്രാലയം ചര്‍ച്ചകള്‍ നടത്തിക്കൊണ്ടിരിക്കുകയാണ്​. മതിയായ അളവില്‍ വാക്സിന്‍ ശേഖരിക്കുകയാണ് ലക്ഷ്യം. വാക്​സിന്‍ ലഭ്യമായാല്‍ ഉടന്‍ അത്​ ഖത്തറില്‍ എത്തിക്കുകയും ആളുകള്‍ക്ക്​ ലഭ്യമാക്കുകയുമാണ്​ ലക്ഷ്യം.

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment