Asian Metro News

ജലസ്രോതസുകൾ നവീകരിക്കുന്നു പ്രതീക്ഷയോടെ പരുതൂരിലെ കർഷകർ

 Breaking News
  • എസ്.ഐ യുടെ വീട്ടുമുറ്റത്തെ പോര്‍ച്ചില്‍ കിടന്ന വാഹനങ്ങള്‍ കത്തിയ നിലയില്‍. പത്തനാപുരം : എസ്.ഐ യുടെ വീട്ടുമുറ്റത്തെ പോര്‍ച്ചില്‍ കിടന്ന വാഹനങ്ങള്‍ കത്തിയ നിലയില്‍. ശക്തികുളങ്ങര ക്രൈം എസ്.ഐയായ പത്തനാപുരം മാലൂര്‍ വട്ടക്കാല ദാറുല്‍ അമാനില്‍ ഷാജഹാന്റെ വീട്ടുമുറ്റത്ത് കിടന്ന വാഹനങ്ങളാണ് തീ പകര്‍ന്ന് നശിപ്പിച്ചത്. പുലര്‍ച്ചെ 4.30 ഓടെയായിരുന്നു സംഭവം. ബൈക്ക്...
  • മുതിര്‍ന്ന കോണ്‍ഗ്രസ് നേതാവ് എ.കെ. ആന്റണിക്ക് കൊവിഡ് സ്ഥിരീകരിച്ചു. ന്യൂഡല്‍ഹി: മുതിര്‍ന്ന കോണ്‍ഗ്രസ് നേതാവ് എ.കെ. ആന്റണിക്ക് കൊവിഡ് സ്ഥിരീകരിച്ചു. ഇതേ തുടര്‍ന്ന് ആന്റണിയെ ആശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം അദ്ദേഹത്തിന്റെ ഭാര്യ എലിസബത്ത് ആന്റണിക്ക് കൊവിഡ് സ്ഥിരീകരിച്ചിരുന്നു. ഭാര്യയ്ക്ക് രോഗം സ്ഥിരീകരിച്ചതിനെ തുടര്‍ന്ന് എ.കെ. ആന്റണി അടക്കമുള്ള കുടുംബാംഗങ്ങള്‍ നിരീക്ഷണത്തിലായിരുന്നു....
  • കോട്ടയം ജില്ലയില്‍ 373 പേര്‍ക്കു കൂടി കൊവിഡ് കോട്ടയം: ജില്ലയില്‍ 373 പേര്‍ക്കു കൂടി കൊവിഡ് സ്ഥിരീകരിച്ചു. 372 പേര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. സംസ്ഥാനത്തിനു പുറത്തു നിന്നെത്തിയ ഒരാള്‍ രോഗബാധിതരായി. പുതിയതായി 4397 പരിശോധനാഫലങ്ങളാണ് ലഭിച്ചത്. രോഗം ബാധിച്ചവരില്‍ 163 പുരുഷന്‍മാരും 160 സ്ത്രീകളും 50 കുട്ടികളും...
  • ആറു പ്രദേശങ്ങളെ കൂടി ഹോട്ട്‌സ്‌പോട്ടില്‍ ഉള്‍പ്പെടുത്തി; 18 പ്രദേശങ്ങളെ ഒഴിവാക്കി തിരുവനന്തപുരം: സംസ്ഥാനത്ത് ഇന്ന് 6 പുതിയ ഹോട്ട് സ്പോട്ടുകളാണുള്ളത്. പാലക്കാട് ജില്ലയിലെ കോങ്ങാട് (കണ്ടെന്‍മെന്റ് സോണ്‍ സബ് വാര്‍ഡ് 14), തിരുമിറ്റികോട് (5), അളനല്ലൂര്‍ (19), കോട്ടയം ജില്ലയിലെ തലയോലപറമ്പ് (2, 3, 4), മണാര്‍കാട് (4), തൃശൂര്‍ ജില്ലയിലെ വെങ്കിടങ്ങ്...
  • സംസ്ഥാനത്ത് ഇന്ന് 6419 പേര്‍ക്ക് കൊവിഡ്-19 സ്ഥിരീകരിച്ചു. തിരുവനന്തപുരം: സംസ്ഥാനത്ത് ഇന്ന് 6419 പേര്‍ക്ക് കൊവിഡ്-19 സ്ഥിരീകരിച്ചു. എറണാകുളം 887, കോഴിക്കോട് 811, തൃശൂര്‍ 703, കൊല്ലം 693, ആലപ്പുഴ 637, മലപ്പുറം 507, തിരുവനന്തപുരം 468, പാലക്കാട് 377, കോട്ടയം 373, ഇടുക്കി 249, പത്തനംതിട്ട 234, കണ്ണൂര്‍...

ജലസ്രോതസുകൾ നവീകരിക്കുന്നു പ്രതീക്ഷയോടെ പരുതൂരിലെ കർഷകർ

ജലസ്രോതസുകൾ നവീകരിക്കുന്നു പ്രതീക്ഷയോടെ പരുതൂരിലെ കർഷകർ
October 22
07:21 2020

പാലക്കാട് / തൃത്താല : കാർഷികമേഖലയ്ക്ക് പ്രതീക്ഷയായി പരുതൂർ പഞ്ചായത്തിലെ വള്ളിക്കാട് തോടും നാനാർത്തിക്കുളവും നവീകരിക്കാനുള്ള പദ്ധതിയായി. 3.64 കോടി രൂപ ചെലവിലാണ് പദ്ധതി നടപ്പാക്കുക. വള്ളിക്കാട് തോട് 294.8 ലക്ഷം രൂപ ചെലവിൽ പാർശ്വഭിത്തികൾ കെട്ടിയും ആഴം കൂട്ടിയും രണ്ടുസ്ഥലത്ത് തടയണ കെട്ടിയും പുനരുദ്ധരിക്കും. ഇതോടൊപ്പം പരുതൂർ ചെമ്പുലങ്ങാട് നാനാർത്തിക്കുളം 70 ലക്ഷം രൂപ ചെലവിൽ നവീകരിക്കാനും പദ്ധതിയുണ്ട്.
പാർശ്വഭിത്തികൾ കെട്ടിയും ആഴംകൂട്ടിയും നന്നാക്കുകയും ചെയ്യും. നബാർഡിന്റെ റൂറൽ ഇൻഫ്രാസ്‌ട്രെക്ച്ചർ ഡെവലപ്‌മെന്റ് ഫണ്ടിലാണ് പുനരുദ്ധാരണ പ്രവർത്തനങ്ങൾ നടത്തുന്നത്. ഇതിന്റെയെല്ലാം കരാറായതായി അധികൃതർ പറഞ്ഞു. ഏറെക്കാലമായി പരുതൂർ പഞ്ചായത്തും പാടശേഖരസമിതികളും ഇക്കാര്യം ആവശ്യപ്പെട്ടിരുന്നു.
ഏറെ പ്രയോജനകരമായ പദ്ധതി നാനൂറോളം ഏക്കറിൽ ജലസംരക്ഷണവും നിർഗമനവും ഉറപ്പാക്കുന്ന പദ്ധതികളാണിവ. പാലത്തറ ഗേറ്റിന്‌ മുകളിൽനിന്നുവരുന്ന വള്ളിക്കാട് തോട് കരിയന്നൂരിൽ കൈതക്കടവ് ഭാഗത്തുവെച്ചാണ് തൂതപ്പുഴയിൽ ചേരുന്നത്. വഴിയിൽ കണ്ണാട്, ചെറുകുടങ്ങാട്, കരിയന്നൂർ, കാരമ്പത്തൂർ, പള്ളിപ്പുറം (കെ.കെ.പി.) പാടശേഖരങ്ങളാണ്. ഇവിടെയെല്ലാംകൂടി 345 ഏക്കർ നെൽക്കൃഷി ഇപ്പോൾത്തന്നെയുണ്ട്. 250 കർഷകരും. കരിയന്നൂർ നേന്ത്രവാഴക്കൃഷിയുടെ ഈറ്റില്ലമാണ്. നാനാർത്തിക്കുളം പുനരുദ്ധരിക്കുകവഴി 40 ഹെക്ടർ നെൽക്കൃഷിക്കാണ് ഗുണംചെയ്യുക.
വള്ളിക്കാട് തോടിന്റെ ആഴം കൂട്ടി ആവശ്യമായ ഇരുപാർശ്വങ്ങളിലുംകൂടി 3,200 മീറ്ററോളം ഭിത്തികെട്ടി സംരക്ഷിക്കും. അടിത്തറയുൾപ്പെടെ വേണ്ടിടത്ത് മൂന്നുമീറ്റർവരെ പാർശ്വഭിത്തിക്ക് ഉയരമുണ്ടാവും. വെള്ളം സംഭരിക്കാനായി കർഷകർക്ക് ഉപകാരപ്പെടുന്ന രണ്ടുസ്ഥലങ്ങളിൽ വെർട്ടിക്കൽ ക്രോസ്ബാർ പണിയുകയും ചെയ്യും. 53 മീറ്ററോളം നീളവും 52 മീറ്റർ വീതിയുമുള്ള നാനാർത്തിക്കുളം ബെൽറ്റ്‌ വാർത്തും പാർശ്വഭിത്തികൾ കെട്ടിയും ഏറെ ആഴത്തിൽ വെള്ളം സംഭരിച്ച് ജലസംരക്ഷണമുറപ്പാക്കാനാണ് പദ്ധതി. പദ്ധതികളുടെ ഉദ്ഘാടനം 22-ന് നടക്കുമെന്ന് പഞ്ചായത്ത് പ്രസിഡന്റ് ടി. ശാന്തകുമാരി പറഞ്ഞു.

വാർത്ത : യു എ റഷീദ് , പാലത്തറഗേറ്റ് , പട്ടാമ്പി

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment