പത്തനംതിട്ട : ശബരിമലയില് പുതിയ മേല്ശാന്തിമാരുടെ നറുക്കെടുപ്പ് നടന്നു. തൃശൂര് സ്വദേശിയായ വി.കെ ജയരാജ് പോറ്റിയാണ് പുതിയ മേല്ശാന്തിയായി ചുമതലയേല്ക്കുന്നത്. അങ്കമാലി സ്വദേശിയായ രജികുമാര് എം. എന് ആണ് മാളികപ്പുറം മേല്ശാന്തി.
ഇന്ന് രാവിലെ എട്ട് മണിയോടെയാണ് നറുക്കെടുപ്പ് നടന്നത്. ശബരിമലയിലേക്ക് 9 ഉം മാളികപ്പുറത്തേക്ക് 10 ഉം പേരുകളായിരുന്നു നറുക്കെടുപ്പില് ഉണ്ടായിരുന്നത്. തന്ത്രി, ദേവസ്വം സ്പെഷ്യല് കമ്മീഷ്ണര്, ദേവസ്വം കമ്മീഷ്ണര് എന്നിവരുടെ സാന്നിധ്യത്തിലാണ് നറുക്കെടുപ്പ് നടത്തിയത്. വൃശ്ചികം 1ന് നട തുറക്കുന്നത് പുതിയ മേല് ശാന്തിമാരായിരിക്കും എന്ന് പ്രഖ്യാപിച്ചു.