ന്യൂഡല്ഹി: കോവിഡ് വ്യാപനം തടയുന്നതിന് വേണ്ടി ചരക്ക് വാഹനങ്ങള്ക്കും അന്തര്സംസ്ഥാന യാത്രകള്ക്കും തടസ്സമുണ്ടാകരുതെന്ന് കേന്ദ്രം സംസ്ഥാനങ്ങള്ക്ക് കത്തയച്ചു. കേന്ദ്ര ആഭ്യന്തര സെക്രട്ടറി അജയ് ഭല്ലയാണ് എല്ലാ സംസ്ഥാനങ്ങള്ക്കും കത്തയച്ചത്. മറ്റ് സംസ്ഥാനങ്ങളില് നിന്ന് വരുന്ന വാഹനങ്ങള് തടയുന്നതു പലപ്രശ്നങ്ങള്ക്കും കാരണമാകുന്നതിനാല് മുമ്ബും കേന്ദ്ര ആഭ്യന്തരമന്ത്രാലയം സമാന നിര്ദ്ദേശം സംസ്ഥാനങ്ങള്ക്ക് നല്കിയിരുന്നു.
സംസ്ഥാനങ്ങള് തമ്മില് നിയന്ത്രണങ്ങള് ഏര്പ്പെടുത്തരുത്. യാത്ര തടസപ്പെടുത്തുന്നത് 2005 ഡിസാസ്റ്റര് മാനേജ്മെന്റ് നിയമത്തിലെ മാര്ഗ നിര്ദേശങ്ങളുടെ ലംഘനമാണ്. യാത്രക്ക് അനുമതിയോ പാസോ പെര്മിറ്റോ പാടില്ല. അയല് രാജ്യങ്ങളുമായുള്ള വ്യാപാര കരാറുകള് പ്രകാരം അതിര്ത്തി കടന്നുള്ള വ്യക്തികളുടെ യാത്രക്കും ചരക്കു ഗതാഗതത്തിനും നിയന്ത്രണം പാടില്ല.
സംസ്ഥാനങ്ങളും ജില്ലകളും ഗതാഗത നിയന്ത്രണങ്ങള് ഏര്പ്പെടുത്തുന്നത് ശ്രദ്ധയില്പ്പെട്ട സാഹചര്യത്തിലാണ് നിര്ദേശം. അന്തര് സംസ്ഥാന ചരക്ക്, സേവന ഗതാഗതം നിയന്ത്രിക്കുക വഴി വിതരണ ശൃംഖലയും സാമ്ബത്തിക, തൊഴില് തടസത്തിനും കാരണമാകുമെന്നും കത്തില് ചൂണ്ടിക്കാട്ടുന്നു.