തിരുവനന്തപുരം : പൂജപ്പുര സെന്ട്രല് ജയിലില് കോവിഡ് വ്യാപിച്ച പശ്ചാത്തലത്തില് 65 കഴിഞ്ഞ മുതിര്ന്ന പൗരന്മാര്ക്ക് പരോള് നല്കുന്നത് പരിഗണനയില്. ജയില് ഡിജിപി ഋഷിരാജ് സിംഗാണ് ഇക്കാര്യം പറഞ്ഞത്.
പൂജപ്പുരയില് കോവിഡ് വ്യാപിച്ച സാഹചര്യത്തില് പ്രാഥമികാേരാഗ്യ കേന്ദ്രം തുടങ്ങുന്നതും പരിഗണനയിലുണ്ട്. 477 പേര്ക്കാണ് രോഗം ബാധിച്ചത്. ഒരാള് മരിക്കുകയും ചെയ്തു. ഈ സാഹചര്യത്തില് പ്രായമായവര്ക്ക് പ്രത്യേക പരിഗണന നല്കി ആശുപത്രികളിലേക്ക് മാറ്റുകയാണ്. മെഡിക്കല് കോളജിലേക്കും ജനറല് ആശുപത്രിയിലേക്കുമാണ് പ്രായമായ തടവുകാരെ മാറ്റുന്നത്. ജയിലില് പ്രേത്യകം പരിശോധനകളും നടത്തുന്നുണ്ട്. രോഗബാധിതരായവരില് 8 പേര് ജയില് ജീവനക്കാരാണ്. പൊതുശുചിമുറികളുടെ ഉപയോഗത്തിലൂടെയും മറ്റുമാകാം രോഗം വ്യാപിച്ചതെന്നും കരുതുന്നു.