കോഴിക്കോട് : സംസ്ഥാനത്ത് കൊവിഡ് വൈറസിന്റെ പിടിയില്പ്പെട്ട് രണ്ട് പേര് ഇന്ന് കോഴിക്കോട്ട് മരിച്ചു. ഗവ. മെഡിക്കല് കോളജില് ചിക്തിസയിലായിരുന്ന കൊയിലാണ്ടി പുത്തന്പുര അബ്ദുല്ല ബാഫഖി (64),
വയനാട് നെല്ലിയമ്ബം മൈതാനിക്കുന്ന് അവറാന് (65) എന്നിവരാണ് മരിച്ചത്. മരിച്ച അബ്ദുല്ല ബാഫഖി മുസ്ലിം ലീഗ് നേതാവായിരുന്ന സയ്യിദ് അബ്ദുറഹ്മാന് ബാഫഖിയുടെ സഹോദരി പുത്രനാണ്. നേരത്തെ ആന്റിജന് ടെസ്റ്റില് അബ്ദുല്ല ബാഫഖിയുടെ കൊവിഡ് പരിശോധന പോസറ്റീവായിരുന്നു. ആശുപത്രിയില് ചികിത്സ തുടരവെയാണ് മരണം.
ശ്വാസകോശാര്ബുദത്തിന് 20 ദിവസമായി കോഴിക്കോട് മെഡിക്കല് കോളജില് ചികിത്സയിലായിരുന്നു വയനാട് സ്വദേശിയ അവറാന്. കഴിഞ്ഞ ദിവസമാണ് അദ്ദേഹത്തിന് കൊവിഡ് സ്ഥിരീകരിച്ചത്. ഇരു മൃതദേഹങ്ങളും കൊവിഡ് പ്രോട്ടോകോള് പ്രകാരം ഖബറടക്കും.