ന്യൂഡൽഹി : ഇന്ത്യയിൽ കോവിഡ് ബാധിതരുടെ എണ്ണം 20 ലക്ഷം കടന്നു.പ്രതിദിന രോഗബാധിതരുടെ എണ്ണത്തിലുണ്ടാകുന്ന വധനവ് ആണ് ഇതിനു കാരണം. കഴിഞ്ഞ 24 മണിക്കൂറിനുള്ളിൽ 62,538 പേർക്കാണ് രാജ്യത്ത് രോഗം സ്ഥിരീകരിച്ചത്. ഇതോടെ രാജ്യത്തെ കോവിഡ്ബാധിതരുടെ എണ്ണം 20,27,075 ആയി ഉയർന്നു.
രോഗബാധയെ തുടർന്ന് മരിച്ചവരുടെ എണ്ണം 41,585 ആയി. കഴിഞ്ഞ 24 മണിക്കൂറിനിടെ 886 കോവിഡ് രോഗികളാണ് മരിച്ചത്.
ആരോഗ്യമന്ത്രാലയം പുറത്തുവിട്ട കണക്ക് പ്രകാരം ഇതുവരെ 13.78 ലക്ഷം പേർ രോഗമുക്തി നേടി. 67.98 ശതമാനമാണ് രാജ്യത്തെ രോഗമുക്തി നിരക്ക്. നിലവിൽ 6,07,384 പേരാണ് ചികിത്സയിൽ കഴിയുന്നത്.