തിരുവനന്തപുരം : ശ്രീചിത്രാ ഇന്‍സ്റ്റിറ്റ്യൂട്ടില്‍ ചികിത്സയ്ക്കെത്തിയ രണ്ടുപേര്‍ക്ക് കോവിഡ് സ്ഥിരീകരിച്ചു. എട്ടുഡോക്ടര്‍മാരടക്കം ഇരുപത്തൊന്ന് ജീവനക്കാരെ നിരീക്ഷണത്തിലാക്കി. എവിടെ നിന്നുള്ളവർക്കാണ് കോവിഡ് സ്ഥിതീകരിച്ചത് എന്ന് വ്യക്തമല്ല . ഇവര്‍ക്ക് എവിടെനിന്നാണ് രോഗം ബാധിച്ചതെന്നും വ്യക്തമല്ല.
കഴിഞ്ഞദിവസം നാല് ഡോക്ടര്‍മാര്‍ക്ക് കോവിഡ് സ്ഥിരീകരിച്ചതിനെ തുടര്‍ന്ന് തിരുവനന്തപുരം മെഡിക്കല്‍ കോളേജ് ആശുപത്രിയിലെ സര്‍ജറി വാര്‍ഡ് അടച്ചിരുന്നു. രണ്ടു പി.ജി ഡോക്ടര്‍മാര്‍ക്കും രണ്ടു ഹൗസ് സര്‍ജനുമാണ് രോഗം സ്ഥിരീകരിച്ചത്. ഇവരോട് സമ്പർക്കം പുലര്‍ത്തിയ 30 ഡോക്ടര്‍മാരും നിരീക്ഷണത്തിൽ കഴിയുകയാണ്