കോവിഡ് രോഗവ്യാപന പ്രതിരോധ നടപടികളുടെ ഭാഗമായി ഓട്ടോറിക്ഷകൾ, ടാക്സികൾ, സ്വകാര്യ ബസുകൾ, കോൺട്രാക്ട് ക്യാരേജുകൾ ഉൾപ്പെടെയുള്ള പൊതു ഗതാഗതത്തിന് ഉപയോഗിക്കുന്ന എല്ലാ പാസഞ്ചർ വാഹനങ്ങളിലും ഡ്രൈവറുടെ ക്യാബിൻ സുരക്ഷിതമായി വേർതിരിക്കുന്ന തരത്തിൽ അടിയന്തിരമായി അക്രിലിക് മെറ്റീരിയൽ കൊണ്ട് പാർട്ടീഷൻ നടത്തി സർവ്വീസ് നടത്തണമെന്ന് കൊട്ടാരക്കര ജോയിൻറ് ആർ.ടി.ഒ വി. സുരേഷ് കുമാർ അറിയിക്കുന്നു. ഇത്തരത്തിൽ പാർട്ടീഷൻ നടത്താത്ത വാഹനങ്ങൾ തുടർന്ന് സർവ്വീസ് നടത്തുവാൻ അനുവദിക്കില്ലെന്നും വരും ദിവസങ്ങളിൽ ഇത് സംബന്ധിച്ച പരിശോധനകൾ ആരംഭിക്കുമെന്നും നിർദേശം പാലിക്കാത്ത വാഹനങ്ങൾക്കെതിരെ കർശന നടപടികൾ സ്വീകരിക്കുന്നതാണെന്നും ജോയിൻറ് ആർ.ടി.ഒ അറിയിച്ചു.
