പത്തനംതിട്ട : കര്‍ക്കടകമാസപൂജകള്‍ക്കായി ശബരിമല നട ഈ മാസം 15 ന് തുറക്കും. വൈകുന്നേരം 5 ന് ക്ഷേത്ര തന്ത്രി കണ്ഠരര് മഹേഷ് മോഹനരുടെ മുഖ്യകാര്‍മ്മികത്വത്തില്‍ ക്ഷേത്രമേല്‍ശാന്തി എ.കെ.സുധീര്‍ നമ്പൂതിരി ക്ഷേത്രശ്രീകോവില്‍ നട തുറന്ന് ദീപങ്ങള്‍ തെളിയിക്കും.നട തുറക്കുന്ന ദിവസം പൂജകള്‍ ഒന്നും തന്നെ ഉണ്ടാവില്ല. തുടര്‍ന്ന് തന്ത്രി വിഭൂതി പ്രസാദം വിതരണം ചെയ്യും.
16 ന് ആണ് കര്‍ക്കടകം ഒന്ന് . പുലര്‍ച്ചെ 5 മണിക്ക് നട തുറന്ന് നിര്‍മ്മാല്യവും പതിവ് അഭി‍ഷേകവും നടക്കും.തുടര്‍ന്ന് മണ്ഡപത്തില്‍ ഗണപതിഹോമവും ഉണ്ടാകും.നട തുറന്നിരിക്കുന്ന 5 ദിവസങ്ങളിലും പതിവ് പൂജകള്‍ മാത്രേമെ ഉണ്ടാവുകയുള്ളൂ. 20 ന് രാത്രി ഹരിവരാസനം പാടി നട അടയ്ക്കും.
കോവിഡ് – 19 പശ്ചാത്തലത്തിൽ ഭക്തര്‍ക്ക് ശബരിമലയിലേക്ക് പ്രവേശനം ഉണ്ടായിരിക്കില്ല.