ന്യൂഡല്‍ഹി: ഐസിഎസ്‌ഇ പത്ത്, ഐഎസ്സി പന്ത്രണ്ട് ക്ലാസ്സുകളിലെ പരീക്ഷാഫലം പ്രസിദ്ധീകരിച്ചു. ഐസിഎസ്‌ഇ പത്താം ക്ലാസ് പരീക്ഷയില്‍ 99.33 ശതമാനം വിജയവും ഐഎസ്സി പന്ത്രണ്ട് ക്ലാസ് പരീക്ഷയില്‍ 96.84 ശതമാനം വിജയവുമാണ് ഉള്ളത്. cisce.org , results.cisce.org എന്നീ വെബ്‌സൈറ്റില്‍ പരീക്ഷ ഫലം ലഭ്യമാണ്. സിഐഎസ്സിഇയുടെ എസ്‌എംഎസ് സംവിധാനത്തിലൂടെയും പരീക്ഷ ഫലം അറിയുന്നതിനുള്ള സൗകര്യം ഏര്‍പ്പെടുത്തിയിട്ടുണ്ട്.
ലോക്ക്ഡൗണിന്റെ പശ്ചാത്തലത്തില്‍ പരീക്ഷ നടത്താതിരുന്ന വിഷയങ്ങള്‍ക്ക് ഇന്റേണല്‍ മാര്‍ക്കിന്റെ അടിസ്ഥാനത്തിലാണ് വിജയം നിശ്ചയിച്ചത്. കഴിഞ്ഞ വര്‍ഷത്തേക്കാള്‍ 0.79 ശതമാനം വര്‍ധനയാണ് ഈ വര്‍ഷം ഉണ്ടായിരിക്കുന്നത്. ജൂലായ് 16 വരെ വിദ്യാര്‍ത്ഥികള്‍ക്ക് പുനര്‍മൂല്യനിര്‍ണയത്തിന് അപേക്ഷിക്കാം.