ഇന്ത്യയില്നിന്നുള്ള ചാര്ട്ടേര്ഡ് വിമാനങ്ങള്ക്ക് വിലക്ക് ഏര്പ്പെടുത്തി അമേരിക്ക.ഇരു രാജ്യങ്ങളും തമ്മില് വ്യോമയാന മേഖലയില് നില നില്ക്കുന്ന കരാര് ലംഘിക്കുന്നതാണ് ഇന്ത്യയുടെ നടപടിയെന്നാണ് യു.എസ് ആരോപണം. ഇന്ത്യയുടെ വന്ദേ ഭാരത് മിഷനിലടക്കം സര്വീസ് നടത്തുന്ന വിമാനങ്ങളെ ഈ നീക്കം ബാധിക്കും.
കോവിഡിനെ തുടര്ന്നുണ്ടായ യാത്രാ വിലക്കിനിടെ ഇന്ത്യന് പൗരന്മാരെ കൊണ്ടുപോകുന്നതിനായി എയര് ഇന്ത്യ പ്രത്യേക സര്വീസ് നടത്തിയെങ്കിലും പൊതുജനങ്ങള്ക്ക് ടിക്കറ്റ് വില്പന നടത്തി സര്വീസ് നടത്തിയെന്ന് ഗതാഗത മന്ത്രാലയം ആരോപിച്ചു. അതേസമയം, അമേരിക്കന് വിമാനകമ്പനികള്ക്ക് ഇന്ത്യയിലേക്ക് സര്വീസ് നടത്തുന്നതിനും കോവിഡിന്റെ പശ്ചാത്തലത്തില് നിയന്ത്രണമുണ്ട്. ഈ സാഹചര്യം യുഎസ് വിമാനകമ്പനികളെ പ്രതികൂലമായി ബാധിക്കുന്നുവെന്നും അവര് വ്യക്തമാക്കി.
ചാര്ട്ടേഡ് വിമാന സര്വീസ് നടത്തുന്നതിന് മുമ്പായി എയര് ഇന്ത്യ അംഗീകാരത്തിനായി അപേക്ഷിക്കണമെന്നും അതുവഴി സര്വീസിന്റെ ലക്ഷ്യം പരിശോധിക്കാന് കഴിയുമെന്നുമാണ് അമേരിക്ക പറയുന്നത്. അമേരിക്കന് വിമാനങ്ങള്ക്കുള്ള നിയന്ത്രണങ്ങള് ഇന്ത്യ നീക്കിയാല് ഇപ്പോള് ഏര്പ്പെടുത്തിയിരിക്കുന്ന നിയന്ത്രണങ്ങള് പിന്വലിക്കുമെന്നും മന്ത്രാലയം പറയുന്നു.