Asian Metro News

സമ്പർക്കവ്യാപനം; പോലീസുകാരനും വീട്ടമ്മയ്ക്കും കോവിഡ് സ്ഥിരീകരിച്ചു

 Breaking News
  • പത്താം ക്ലാസിലെ മുഴുവന്‍ വിദ്യാര്‍ഥികളും വിജയിച്ചതായി പ്രഖ്യാപിച്ച് തമിഴ്‌നാട്ടില്‍ സര്‍ക്കാര്‍. ചെന്നൈ:പത്താം ക്ലാസിലെ മുഴുവന്‍ വിദ്യാര്‍ഥികളും വിജയിച്ചതായി പ്രഖ്യാപിച്ച് തമിഴ്‌നാട്ടില്‍ സര്‍ക്കാര്‍. 9, 11 ക്ലാസുകളിലെ വിദ്യാര്‍ഥികളേയും വിജയികളായി പ്രഖ്യാപിച്ചു. വിദ്യാര്‍ഥികള്‍ക്ക് പരീക്ഷയുണ്ടാകില്ലെന്നും മുഖ്യമന്ത്രി എടപ്പാടി പളനിസ്വാമി അറിയിച്ചു. കോവിഡ് വ്യാപനം മൂലം ക്ലാസുകള്‍ പൂര്‍ത്തിയാക്കാന്‍ സാധിക്കാതെ വന്നതോടെയാണ് പരീക്ഷ ഒഴിവാക്കാന്‍ തീരുമാനമായത്....
  • കവി വിഷ്ണു നാരായണൻ നമ്പൂതിരി അന്തരിച്ചു തിരുവനന്തപുരം: കവി വിഷ്ണു നാരായണൻ നമ്പൂതിരി അന്തരിച്ചു. 81 വയസായിരുന്നു. തിരുവനന്തപുരം തൈക്കാട്ടെ വസതിയിലാണ് അന്ത്യം. രാജ്യം പത്മശ്രീ നൽകി ആദരിച്ചിരുന്നു. കേരള സാഹിത്യ അക്കാദമി പുരസ്കാരം, കേന്ദ്ര സാഹിത്യ അക്കാദമി ഫെല്ലോഷിപ്പ്, എഴുത്തച്ഛന്‍ പുരസ്‌കാരം തുടങ്ങി നിരവധി പുരസ്കാരങ്ങൾ നേടിയ...
  • കൊട്ടാരക്കരയിൽ കെ എസ് ആർ റ്റി സി ബസ് കടത്തിയയാൾ പിടിയിൽ കൊട്ടാരക്കര കെ എസ് ആർ റ്റി സി ബസ് സ്റ്റേഷന് സമീപം റോഡിൽ നിർത്തിയിട്ടിരുന്ന ബസ് കടത്തി കൊണ്ട് പോയ ടിപ്പർ അനി എന്ന് വിളിക്കപ്പെടുന്ന തിരുവനന്തപുരം മുക്കിൽകട വി എസ് നിവാസിൽ വിജയദാസ് മകൻ നിധിൻ വി എസ് ആണ്...
  • കുണ്ടറയില്‍ വാഹനാപകടം: 7ലധികം പേര്‍ക്ക് പരിക്ക് കുണ്ടറയില്‍ രോഗിയുമായി പോയ ആംബുലന്‍സും കാറും കൂട്ടിയിടിച്ചു 7ലധികം പേര്‍ക്ക് പരിക്കേറ്റു. വെണ്ടാർ വടക്കേടത്ത് വീട്ടിൽ വിഷ്ണു(22). മാവടി കൊച്ചുവീട് തെക്കേക്കര കൊച്ചുവീട്ടിൽ ശ്യാംദേവ്(22), വെണ്ടാർ ചരുവിള പുത്തൻവീട്ടിൽ ഹരി(21), കൊട്ടാരക്കര കിഴക്കേക്കര ഉണ്ണിക്കുട്ടൻ(27), വെണ്ടാർ തിരുവോണത്തിൽ വിഷ്ണു(22), വെണ്ടാർ തിരുവോണത്തിൽ...
  • SMKIA ജില്ലാ സമ്മേളനം കൽപ്പറ്റ : നീതി ലഭിക്കാനായി ഡൽഹിയിൽ സമരം ചെയ്യുന്ന നമ്മുടെ അന്നദാതാക്കൾക്കു ഐഖ്യദാർഢ്യം പ്രകടിപ്പിച്ചുകൊണ്ട്സ്റ്റേറ്റ് മാപ്പിള കലാ അസോസിയേഷൻ വയനാട് ജില്ലാ പ്രഥമ സമ്മേളനം കൽപ്പറ്റ എച്ച്. ഐ .എം യൂ .പി .സ്കൂളിന്റെ ഓഡിറ്റോറിയത്തിൽ വെച്ച് ഫെബ്രുവരി 20 നു...

സമ്പർക്കവ്യാപനം; പോലീസുകാരനും വീട്ടമ്മയ്ക്കും കോവിഡ് സ്ഥിരീകരിച്ചു

സമ്പർക്കവ്യാപനം; പോലീസുകാരനും വീട്ടമ്മയ്ക്കും കോവിഡ് സ്ഥിരീകരിച്ചു
June 22
12:02 2020

പാലക്കാട്: ഒരിടവേളയ്ക്കുശേഷം ജില്ലയിൽ വീണ്ടും സമൂഹവ്യാപന ഭീതിയുയർത്തി ഞായറാഴ്ച രണ്ടുപേർക്ക് സമ്പർക്കത്തിലൂടെ കോവിഡ് സ്ഥിരീകരിച്ചു.
പല്ലശ്ശന കൂടല്ലൂർ സ്വദേശിയായ തൃശ്ശൂർ എ.ആർ. ക്യാമ്പിലെ പോലീസുകാരൻ (26), നല്ലേപ്പിള്ളി സ്വദേശിനിയായ വീട്ടമ്മ (55) എന്നിവർക്കാണ് സമ്പർക്കത്തിലൂടെ രോഗം ബാധിച്ചതായി ആരോഗ്യവകുപ്പ് സ്ഥരീകരിച്ചത്.

ഇവരുൾപ്പെടെ ജില്ലയിൽ 15 പേർക്ക് ഞായറാഴ്ച രോഗബാധയുണ്ട്. ഒരാൾക്ക് കോവിഡ് ഭേദമായി. ഇതോടെ ജില്ലയിലെ കോവിഡ് ബാധിതരുെട എണ്ണം 149 ആയി.

മുട്ടിക്കുളങ്ങര കെ.എ.പി. രണ്ടാം ബറ്റാലിയനിൽ നിന്ന് 10-ന് തൃശ്ശൂർ എ.ആർ.ക്യാമ്പിലേക്ക് അറ്റാച്ച്ഡ് ഡ്യൂട്ടിക്ക് പോയതാണ് പോലീസുകാരൻ. കോവിഡ് പരിശോധന നടത്താത്ത തടവുകാർക്കുള്ള തൃശ്ശൂർ ലാലൂർ ജയിലിൽനിന്ന് സാമ്പിൾ ഫലം നെഗറ്റീവായവരെ തൃശ്ശൂർ സബ് ജയിലിലേക്ക് മാറ്റുന്ന ഡ്യൂട്ടിയിലായിരുന്നു.

നെഗറ്റീവായ മൂന്ന് തടവുകാരെ സബ്ജയിലിലേക്ക് കൊണ്ടുപോകുന്നതിനുള്ള എസ്കോർട്ട് ഡ്യൂട്ടിക്ക് പോവുകയും ചെയ്തു.

ഇതിനിടെ ലാലൂരിൽ ഉണ്ടായിരുന്ന ഒമ്പത് തടവുകാരിൽ ഒരാൾക്ക് കോവിഡ് സ്ഥിരീകരിച്ചു. ഇതോടെ അന്ന് ഡ്യൂട്ടിയിലുണ്ടായിരുന്ന അഞ്ച് പോലീസുകാരോട് ഡി.ഐ.ജി. ക്വാറന്റീനിൽ പോകാൻ നിർദേശിച്ചിരുന്നു.

11-ന് പല്ലശ്ശനയിലെ വീട്ടിലെത്തിയ പോലീസുകാരന്റെ സാമ്പിൾ കഴിഞ്ഞദിവസം ചിറ്റൂർ താലൂക്കാശുപത്രിയിൽ നിന്ന് ശേഖരിച്ചു.

ഞായറാഴ്ച ഫലം പോസിറ്റീവാണെന്ന് സ്ഥിരീകരിച്ചെന്ന് ഡി.എം.ഒ. ഡോ. കെ.പി. റീത്ത പറഞ്ഞു. നല്ലേപ്പിള്ളിയിൽ കോവിഡ് പോസിറ്റീവായ വീട്ടമ്മയ്ക്ക് രോഗം സ്ഥിരീകരിച്ചതിന്റെ ഉറവിടം വ്യക്തമായിട്ടില്ല.

ദുബായ്, സൗദി അറേബ്യ, കുവൈത്ത് എന്നിവിടങ്ങളിൽ നിന്നെത്തിയ മൂന്നുപേർക്ക് വീതം ഞായറാഴ്ച കോവിഡ് സ്ഥിരീകരിച്ചു.

ദുബായിൽനിന്ന് നാലിന് വന്ന ഗർഭിണിയായ പട്ടാമ്പി മുതുതല സ്വദേശിനി (22), 10-ന് വന്ന കേരളശ്ശേരി സ്വദേശി (27), 11-ന് വന്ന മണ്ണൂർ സ്വദേശി (27), കുവൈത്തിൽ നിന്ന് 11-ന് വന്ന പുതുനഗരം സ്വദേശികളായ അമ്മയും (34) മകനും(13), 10-ന് എത്തിയ കേരളശ്ശേരി സ്വദേശിനി (32), സൗദിയിൽനിന്ന് 11-ന് വന്ന നെല്ലായ സ്വദേശി (42), മൂന്നിന് എത്തിയ കപ്പൂർ സ്വദേശി (30), ദമാമിൽനിന്ന് 10-ന് വന്ന ഓങ്ങല്ലൂർ മരുതൂർ സ്വദേശി (31) എന്നിവർക്കും രോഗം സ്ഥിരീകരിച്ചു.

ഒമാനിൽ നിന്നെത്തിയ ചിറ്റൂർ സ്വദേശി (56), ഈജിപ്തിൽ നിന്ന് 16-ന് വന്ന മലമ്പുഴ സ്വദേശി (23), അബുദാബിയിൽ നിന്ന് മൂന്നിന് എത്തിയ കുഴൽമന്ദം സ്വദേശി (29), ഗുജറാത്തിൽ നിന്ന് 11-ന് വന്ന പല്ലാവൂർ സ്വദേശി (26) എന്നിവരും ഞായറാഴ്ച പോസിറ്റീവായി.

ജില്ലക്കാരായ അഞ്ചുപേർ മഞ്ചേരി മെഡിക്കൽ കോളേജിലും മൂന്നുപേർ എറണാകുളം കളമശ്ശേരി മെഡിക്കൽ കോളേജിലും ഒരാൾവീതം കണ്ണൂർ മെഡിക്കൽ കോളേജ്, തിരുവനന്തപുരം മെഡിക്കൽ കോളേജ്, കോഴിക്കോട് മെഡിക്കൽ കോളേജ് എന്നിവിടങ്ങളിലും ചികിത്സയിലുണ്ട്

ജില്ലയിൽ ശനിയാഴ്ച വിദേശത്തുനിന്നെത്തിയത് 19 പാലക്കാട് സ്വദേശികൾ.

ഇവരിൽ 13 പേർ ഇൻസ്റ്റിറ്റ്യൂഷണൽ ക്വാറന്റീനിൽ പ്രവേശിച്ചു. ആറുപേർ വീടുകളിൽ നിരീക്ഷണത്തിലാണ്.വീടുകളിലും സർക്കാരിന്റെ കോവിഡ് കെയർ സെന്ററുകളിലുമായി നിലവിൽ 1,731 പ്രവാസികളാണ് നിരീക്ഷണത്തിലുള്ളത്.

വാർത്ത : യുഎ റഷീദ് പാലത്തറഗേറ്റ്, പട്ടാമ്പി

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment