വൈദ്യുതി വകുപ്പിൻ്റെ പകൽകൊള്ളക്കെതിരെ കേരള വ്യാപാരി വ്യവസായി ഏകോപന സമിതി സംസ്ഥാന തലത്തിൽ സമരത്തിലേക്ക്. നിലവിലുള്ള താരിഫിൽ ഇളവ് നൽകുക, ഫിക്സഡ് ചാർജ്ജ് പൂർണ്ണമായും ഒഴിവാക്കുക, മാസം തോറും മീറ്റർ റീഡിങ് നടത്തി ബിൽ നൽകുക തുടങ്ങിയ ആവശ്യങ്ങൾ ഉന്നയിച്ചാണ് സംസ്ഥാന നേതൃത്വം സമരം പ്രഖ്യാപിച്ചത്.
ഇതിൻ്റെ ഭാഗമായി പട്ടാമ്പിയിൽ ജൂൺ 20ന് ശനിയാഴ്ച 11 മണിക്ക് വൈദ്യുതി സെക്ഷൻ ഓഫീസിൻ്റെ മുന്നിൽ കോവിഡ് പ്രോട്ടോക്കോൾ പാലിച്ചുകൊണ്ട് സമരം നടത്തി. ഇ.പി.അബ്ദുൽ ജബ്ബാർ, സിദ്ധീഖ് പത്രാസ്, ശ്രീരാജ്, പ്രജിത്, സലിം, സെയ്തലവി എന്നിവർ വാർത്താ സമ്മേളനത്തിൽ പങ്കെടുത്തു.