തെന്മല : 13 കണ്ണറ, അമ്പിളി വിലാസം വീട്ടിൽ തങ്കയ്യൻ മകൻ ബിജു (42) ആണ് തെന്മല പോലീസിന്റെ പിടിയിലായത്. കഴുതുരുട്ടി ചുടുകട്ടപാലം പ്ലാമൂട്ടിൽവീട്ടിൽ നവാസിന്റെ മകൻ നിസാറിനെ മുൻ വൈരാഗ്യം നിമിത്തം വീട്ടിൽ കടന്നുകയറി മാരാകായുധങ്ങളുമായി വെട്ടി പരിക്കേൽപിച്ച് കൊലപ്പെടുത്താൻ ശ്രമിച്ച കേസിലെ പ്രതിയായ ബിജു വിനെ 3.5 ലിറ്റർ വ്യാജ ചാരായവുമായി പിടിയിലായി. സി.ഐ. വിശ്വംഭരൻ, എസ്.ഐ. വി.എസ് പ്രവീൺ, എസ്.സി.പി.ഒ ബിജു എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതിയെ പിടികൂടിയത്. പ്രതിക്കെതിരെ കൊലപാതകശ്രമം കേസ് കൂടാതെ അബ്കാരി ആക്ട് പ്രകാരവും കേസ് രജിസ്റ്റർ ചെയ്തു. മുൻപും നിരവധി കേസുകളിൽ പ്രതിയായ ബിജുവിനെതിരെ കാപ്പാ ആക്ട് പ്രകാരം കേസ് രജിസ്റ്റർ ചെയ്യാൻ ജില്ലാ പോലീസ് മേധാവി ഹരിശങ്കർ ഐ.പി.എസ് അറിയിച്ചു.
