ഇന്ത്യയ്ക്ക് ലോകബാങ്കിന്റെ ധനസഹായം
ന്യൂഡല്‍ഹി : കോവിഡ് 19 പ്രതിസന്ധി നേരിടുന്ന ഇന്ത്യയ്ക്ക് ലോകബാങ്കിന്റെ ധനസഹായം. നൂറ് കോടി ഡോളറിന്‍റെ ധനസഹായമാണ് ലോകബാങ്ക് പ്രഖ്യാപിച്ചിരിക്കുന്നത്. സര്‍ക്കാരിന്‍റെ സാമൂഹ്യ സുരക്ഷാ പദ്ധതികള്‍ക്കാണ് തുക അനുവദിച്ചത്. 7,500 കോടി ഡോള`റിന്‍റെ പാക്കേജാണ് ലോക ബാങ്ക് പ്രഖ്യാപിച്ചിട്ടുള്ളത്. ഇതിന്‍റെ ഭാഗമായാണ് ഇന്ത്യക്ക് സഹായം.
ആരോഗ്യം, സാമൂഹിക സുരക്ഷിതത്വം, ചെറുകിട-ഇടത്തരം വ്യവസായങ്ങള്‍ എന്നീ മേഖലകളില്‍ ഇന്ത്യയുമായി കൈകോര്‍ത്തു പ്രവര്‍ത്തിക്കാനാണ് ധനസഹായം നല്‍കുന്നതെന്ന് ലോകബാങ്ക് ഡയറക്ടര്‍ ജുനൈദ് അഹമ്മദ് വ്യക്തമാക്കി. സാമൂഹിക സുരക്ഷക്ക് അനുവദിച്ച 100 കോടി ഡോളര്‍ സഹായത്തിന്‍റെ ഫലം നഗരങ്ങളിലെ കുടിയേറ്റ തൊഴിലാളികള്‍ക്കുള്ള പദ്ധതികള്‍ക്കാണ് വിനിയോഗിക്കേണ്ടത്.
There are no comments at the moment, do you want to add one?
Write a comment