കഞ്ചാവ് കേസ് പ്രതിയെ പിടിച്ച എക്സൈസ് ഉദ്യോഗസ്ഥർ ക്വാറന്റൈനിൽ
May 14
11:52
2020
ബംഗളുരുവില്‍ നിന്ന് ഒളിച്ചെത്തിയ കഞ്ചാവ് കേസ് പ്രതിയെ പിടിച്ച എക്സൈസ് ഉദ്യോഗസ്ഥര്‍ ക്വാറന്റൈനില്‍
തൃശൂര്‍ : ബംഗളുരുവിലെ തീവ്ര കൊവിഡ് ബാധിത പ്രദേശത്ത് നിന്നെത്തിയ യുവാവിനെയാണ് എക്സൈസ് ഉദ്യോഗസ്ഥര്‍ കഴിഞ്ഞദിവസം പിടികൂടിയത്. നിയമാനുസൃതമല്ലാതെയാണ് ഇയാള്‍ ബംഗളുരുവില്‍ നിന്ന് നാട്ടിലെത്തിയതെന്ന് ആരോഗ്യവകുപ്പിന്റെ അന്വേഷണത്തില്‍ വ്യക്തമായതോടെയാണ് യുവാവിനെയും എക്സൈസ് ഉദ്യോഗസ്ഥരെയും ക്വാറന്റൈനിലാക്കാന്‍ നിര്‍ദേശമുണ്ടായത്.
കഴിഞ്ഞ ദിവസം ബ്ലാങ്ങാട് ലോഡ്ജില്‍ നിന്നാണ് കഞ്ചാവ് കേസില്‍ പ്രതിയായി ഒളിവില്‍ കഴിയുകയായിരുന്ന മണത്തല കുറി കളകത്ത് വീട്ടില്‍ ജാഫറിനെയാണ് ചാവക്കാട് എക്സൈസ് സംഘം പിടികൂടിയത്. ഇതേത്തുടര്‍ന്ന് കൊവിഡ് മുന്‍കരുതല്‍ നടപടിയുടെ ഭാഗമായാണ് എക്സൈസ് സംഘത്തോട് ക്വാറന്റൈനില്‍ പോകാന്‍ ആരോഗ്യവകുപ്പ് ആവശ്യപ്പെട്ടത്. പ്രിവന്റീവ് ഓഫീസറുള്‍പ്പെടെ അഞ്ച് ഉദ്യോഗസ്ഥരാണ് ക്വാറന്റൈനിലുള്ളത്. റിമാന്‍ഡിലായ പ്രതിയെയും ജയിലില്‍ ക്വാറന്റൈനിലാക്കിയിട്ടുണ്ട്.
There are no comments at the moment, do you want to add one?
Write a comment