ഇടുക്കി : ലോക്ഡൗണ് ലംഘിച്ച് സമരം നടത്തിയതിന് ഇടുക്കി എം.പി ഡീന് കുര്യാക്കോസിനെതിരെ കേസ്. ഇടുക്കി ജില്ലയെ അവഗണിക്കുന്നുവെന്ന് ആരോപിച്ച് ഡീന് കുര്യാക്കോസ് നിരാഹാര സമരം നടത്തിയിരുന്നു. ഇതിലാണ് ഇപ്പോള് കേസെടുത്തിരിക്കുന്നത്. ഇടുക്കി മെഡിക്കല് കോളജ് ആശുപത്രിക്ക് മുന്നിലായിരുന്നു സമരം.
ഡീന് കുര്യക്കോസിനെ കൂടാതെ മറ്റ് 15 പേര്ക്കെതിരെയും കേസെടുത്തിട്ടുണ്ട്. പകര്ച്ചവ്യാധി നിയമപ്രകാരമാണ് കേസ്. അതേസമയം, കേസിന് ഒരു വിലയും കല്പ്പിക്കുന്നില്ലെന്ന് ഡീന് കുര്യാക്കോസ് പറഞ്ഞു. വേണ്ടി വന്നാല് ഇനിയും സമരം ചെയ്യുമെന്നും അദ്ദേഹം വ്യക്തമാക്കി.