ന്യൂഡല്‍ഹി : ഇന്ത്യയില്‍ കോവിഡ് വൈറസ് ബാധ സ്ഥിരീകരിച്ചവരുടെ എണ്ണം 37,000 കടന്നു. 24 മണിക്കൂറിനുള്ളില്‍ 2293 കേസുകളാണ് രാജ്യത്ത് റിപ്പോര്‍ട്ട് ചെയ്തത്. ഒരു ദിവസം രാജ്യത്ത് റിപ്പോര്‍ട്ട് ചെയ്യുന്ന ഏറ്റവും ഉയര്‍ന്ന നിരക്കാണിത്. ഇതോടെ രാജ്യത്ത് സ്ഥിരീകരിക്കപ്പെട്ട ചെയ്ത കോവിഡ് കേസുകളുടെ എണ്ണം 37,336 ആയതായി ആരോഗ്യ കുടുംബ ക്ഷേമ മന്ത്രാലയം അറിയിച്ചു.
രാജ്യത്ത് കഴിഞ്ഞ 24 മണിക്കൂറിനുള്ളില്‍ 71 മരണങ്ങള്‍ കൂടി റിപ്പോര്‍ട്ട് ചെയ്തോടെ കോവിഡ് ബാധിച്ച്‌ മരിച്ചവരുടെ എണ്ണം 1218 ആയി. നിലവില്‍ 26,167 പേര്‍ ചികിത്സയിലുണ്ട്. 9950 പേര്‍ രോഗമുക്തി നേടി.
ഏറ്റവും കൂടുതല്‍ കോവിഡ് കേസുകളും മരണങ്ങളും റിപ്പോര്‍ട്ട് ചെയ്ത മഹാരാഷ്ട്രയില്‍ വൈറസ് ബാധിതരുടെ എണ്ണം 11056 ആയി. സംസ്ഥാനത്ത് 485 പേര്‍ മരിച്ചു. 1879 പേര്‍ക്ക് രോഗം ഭേദമായി.
ഗുജറാത്തില്‍ 4,721 പേര്‍ക്ക് രോഗം സ്ഥരീകരിച്ചു. 236 പേര്‍ മരിക്കുകയും 735 പേര്‍ രോഗമുക്തി നേടുകയും ചെയ്തു. ഡല്‍ഹിയില്‍ 3,738 പേര്‍ക്ക് രോഗബാധ സ്ഥിരീകരിക്കുകയും 61 പേര്‍ക്ക് ജീവന്‍ നഷ്ടമാവുകയും ചെയ്തു. രോഗം ഭേദമായവരുടെ എണ്ണം 1167 ആയി.
മധ്യപ്രദേശില്‍ കോവിഡ് ബാധിച്ചവരുടെ എണ്ണം 2719 ആയി. രാജസ്ഥാന്‍- 2,666, ഉത്തര്‍ പ്രദേശ്- 2,328, തമിഴ്നാട് -2526, ആന്ധ്രാപ്രദേശ് -1463 എന്നിങ്ങനെയാണ് കോവിഡ് കേസുകള്‍ റിപ്പോര്‍ട്ട് ചെയ്തിട്ടുള്ളത്.