അടച്ചിടലിനുശേഷം തുറന്നുപ്രവര്‍ത്തിക്കുമ്പോള്‍ സ്ഥാപനങ്ങള്‍ ജീവനക്കാര്‍ക്ക് ആരോഗ്യ ഇന്‍ഷുറന്‍സ് പരിരക്ഷ ഏര്‍പ്പെടുത്തേണ്ടിവരും.
വ്യാവസായ, വാണിജ്യ സ്ഥാപനങ്ങളും ഓഫീസുകളും നിര്‍ബന്ധമായും ജീവനക്കാര്‍ക്ക് ആരോഗ്യ പരിരക്ഷ നല്‍കണമെന്നാണ് ഇന്‍ഷുറന്‍സ് റെഗുലേറ്ററി ആന്‍ഡ് ഡെവലപ്‌മെന്റ് അതോറിറ്റി ഓഫ് ഇന്ത്യ(ഐആര്‍ഡിഎ)യുടെ സര്‍ക്കുലറില്‍ പറയുന്നത്. ആഭ്്യന്ത മന്ത്രാലയത്തിന്റെ നിര്‍ദേശപ്രകാരമാണ് ഐആര്‍ഡിഎയുടെ സര്‍ക്കുലര്‍.
വ്യക്തികള്‍ക്കോ കൂട്ടായോ കുറഞ്ഞ ചെലവില്‍ പോളിസികള്‍ ലഭ്യമാക്കാന്‍ ഇന്‍ഷുറന്‍സ് കമ്പനികള്‍ തയ്യാറാകണമെന്നും നിര്‍ദേശമുണ്ട്.
നിര്‍ബന്ധമില്ലെങ്കിലും നിലവില്‍ പല കമ്പനികളും ജീവനക്കാര്‍ക്ക് ഗ്രൂപ്പ് ആരോഗ്യ ഇന്‍ഷുറന്‍സ് ആനുകൂല്യം നല്‍കുന്നുണ്ട്. ജീവനക്കാരുടെ രക്ഷാകര്‍ത്താക്കള്‍ ഉള്‍പ്പടെയുള്ള കുടുംബാംഗങ്ങള്‍ക്കാണ് കോര്‍പ്പറേറ്റ് ഹെല്‍ത്ത് പോളിസികള്‍ നല്‍കിവരുന്നത്.
മാസശമ്പളം 21,000 രൂപയില്‍താഴെയുള്ളവര്‍ക്ക് നിലവില്‍ ഇഎസ്‌ഐ പ്രകാരം ആരോഗ്യ ഇന്‍ഷുറന്‍സ് ലഭ്യമാണ്.