ഔറംഗബാദ്: ലോക്ക് ഡൗണിനിടെ മഹാരാഷ്ട്രയില് 49 വയസുകാരിയെ കൗമാരക്കാരനായ മകന് തീകൊളുത്തി കൊന്നു. ഒസ്മാനബാദ് ജില്ലയിലെ തേര് പട്ടണത്തില് ബുധനാഴ്ചയാണ് സംഭവം. വീട്ടിലെത്തിയ 17 വയസുകാരന് അമ്മയോട് പണം ആവശ്യപ്പെട്ടിരുന്നു. എന്നാല് പണം നല്കാന് അമ്മ വിസമ്മതിച്ചതോടെ തീകൊളുത്തുകയായിരുന്നു. പണം ആവശ്യപ്പെട്ടപ്പോള് നല്കാത്തതാണ് കൊലപാതകത്തിനുള്ള പ്രകോപനം എന്നാണ് പോലീസ് പറയുന്നത്.
കേസില് പ്രായപൂര്ത്തിയാകാത്ത പ്രതിയെ കോടതിയില് ഹാജരാക്കിയ ശേഷം ജുവനൈല് ഹോമിലേക്ക് അയച്ചതായി പോലീസ് പറഞ്ഞു.