ജലാശയങ്ങളിലും, കൃഷിസ്ഥലങ്ങളിലും കക്കൂസ് മാലിന്യങ്ങൾ തള്ളുന്ന പ്രതി അറസ്റ്റിൽ. തൊടിയൂര് മുഴങ്ങാട് കളരിയമ്പലത്തിന് സമീപം നിഷാദ് മന്സിലില് നിഷാദ് (28)ആണ് പോലീസ് പിടിയിലായത്. എഴുകോൺ പോലീസ് സ്റ്റേഷൻ പരിതിയിലുള്ള മാറനാട് കളത്തട്ട് ഏല, പൊരീക്കൽ പുത്തൻവീട്ടിൽ പാലത്തിനു സമീപം ഉള്ള തോട്ടിൽ , കരീപ്ര പാട്ടുപുരയ്ക്കൽ ഏല എന്നിവിടങ്ങളിലാണ് മാലിന്യം തള്ളിയത്.
എഴുകോൺ ഇൻസ്പെക്ടർ റ്റി.എസ് ശിവകുമാർ , എസ് ഐ ബാബു കുറുപ്പ്, ചന്ദ്രബാബു, ഉണ്ണികൃഷ്ണപ്പിള്ള സീനിയർ സിവിൽ പോലീസ് ഓഫീസർമാരായ ശ്രീജേഷ്, ശിവകുമാർ എന്നിവർ അടങ്ങുന്ന അന്വേഷണ സംഘമാണ് പ്രതിയെ അറസ്റ്റ് ചെയ്തത്.