കൊട്ടാരക്കര : കോവിഡ് -19 വൈറസ് വ്യാപനം തടയുന്നതിനായി സര്ക്കാര് ഏര്പ്പെടുത്തിയ ലോക്ക് ഡൗണിന്റെ ഭാഗമായി ആളുകള് വീട് വിട്ട് പുറത്തിറങ്ങുന്നതിനും കൂട്ടം കൂടുന്നതിനും കര്ശനമായ നിയന്ത്രണങ്ങള് ഏര്പ്പെടുത്തിയിട്ടുണ്ട്. ലോക്ക് ഡൗണ് കര്ശനമായി നടപ്പിലാക്കുന്നതിനായി ജില്ലയിലെ പ്രധാന റോഡുകളിലും ജംഗ്ഷനുകളിലും നടത്തി വരുന്ന പോലീസ് പരിശോധനകളും നിരീക്ഷണവും കര്ശനമായി തുടരുന്നതിനോടൊപ്പം ഇടറോഡുകളിലും ഗ്രാമപ്രദേശങ്ങളിലും വാഹന പരിശോധനയും അനാവശ്യമായി പൊതുനിരത്തില് ഇറങ്ങുന്നവരെ നിരീക്ഷിക്കുന്നതിനുമുളള സംവിധാനം ഏര്പ്പെടുത്തി. പ്രധാന ജംഗ്ഷനുകളില് പോലീസ് പരിശോധന ഉളളതിനാല് ഇട റോഡുകള് വഴി ധാരാളം വാഹനങ്ങള് പോകുന്നതായി വിവരം ലഘിച്ചതിനാല് ഇടറോഡുകളില് പോലീസ് നിരീക്ഷണം കര്ശനമാക്കി. കൊല്ലം റൂറല് ജില്ലയില് ശനിയാഴ്ച കോവിഡ് -19 വ്യാപനം തടയുന്നതുമായി ബന്ധപ്പെട്ട് സര്ക്കാര് നിര്ദ്ദേശങ്ങള് ലംഘിച്ച് പുറത്തിറങ്ങി പ്രവര്ത്തിച്ചവര്ക്കെതിരെ 229 കേസുകള് രജിസ്റ്റര്ചെയ്തു. 236 പേരെ അറസ്റ്റ് ചെയ്തു, 198 വാഹനങ്ങള് പിടിച്ചെടുത്തു. ലോക്ക് ഡൗണ് കര്ശനമായി നടപ്പിലാക്കുന്നതിനായി വരും ദിവസങ്ങളിലും നിയമലംഘകര്ക്കെതിരെ കര്ശന നിയമനടപടികള് സ്വീകരിക്കുന്നതാണെന്നും ജില്ലാ പോലീസ് മേധാവി ഹരിശങ്കര് ഐ.പി.എസ് അറിയിച്ചു.
