കൊട്ടാരക്കര : വെട്ടിക്കവല ഗ്രാമപഞ്ചായത്തിൽ നിന്നും കരം പിരിക്കാനായി എത്തിയ ഉദ്യോഗസ്ഥരുടെ ജോലി തടസ്സപ്പെടുത്തിയ കേസിൽ പ്രതിയായ വെട്ടിക്കവല ശാലോംവില്ല വീട്ടിൽ തങ്കപ്പൻ സജി അലക്സാണ്ടർ (50) ആണ് കൊട്ടാരക്കര പോലീസിൻറെ പിടിയിലായത്. വെട്ടിക്കവല പഞ്ചായത്തിൽ നിന്നും കരം പിരിക്കാനെത്തിയ ഉദ്യോഗസ്ഥരെ പ്രതിയുടെ ഉടമസ്ഥതയിലുള്ള പനവേലി പെട്രോൾ പമ്പിനു സമീപം ഉള്ള കൈനാത്തുവിള ഫർണിച്ചർ എന്ന സ്ഥാപനത്തിനുള്ളിൽ തടഞ്ഞു വെച്ചും അസഭ്യം പറഞ്ഞും ഭീഷണിപ്പെടുത്തിയുമാണ് പ്രതി ഉദ്യോഗസ്ഥരുടെ ഔദ്യോഗിക കൃത്യനിർവഹണം തടസ്സപ്പെടുത്തിയത്. ഇതിലേക്ക് വെട്ടിക്കവല ഗ്രാമപഞ്ചായത്ത് സെക്രട്ടറി സുജിത് കുമാർ രേഖാമൂലം കൊട്ടാരക്കര പോലീസ് സ്റ്റേഷനിൽ പരാതിപ്പെടുകയായിരുന്നു. കൊട്ടാരക്കര എസ് ഐ രാജീവാണ് പ്രതിയെ അറസ്റ്റ് ചെയ്തത്.
