പൂയപ്പള്ളി : അനധികൃത പാറ ഖനനം നടക്കുന്നതായി ബഹു. കൊല്ലം റൂറൽ ജില്ലാ പോലീസ് മേധാവി ശ്രീ. ഹരിശങ്കർ IPS ന് ലഭിച്ച രഹസ്യ വിവരത്തെ തുടർന്ന് നെടുമൺകാവ് ബിനീഷ് ഭവനിൽ ശശിധരൻ മകൻ ബിനുവിന്റെ ഉടമസ്ഥതയിൽ വെളിയം പരുത്തിയറയിലുള്ള പാറ ക്വാറിയിൽ നടത്തിയ റെയ്ഡിൽ അനധികൃത പാറ ഖനത്തിന് കേസ് റെജിസ്റ്റർ ചെയ്യുകയും
പാസില്ലാതെ പാറ കടത്താൻ ശ്രമിച്ച 11 ടിപ്പർ ലോറികൾ പൂയപ്പള്ളി പോലീസ് പിടിച്ചെടുക്കുകയും ചെയ്തു.
പൂയപ്പള്ളി എസ്.ഐ രാജേഷ്, ഗ്രേഡ് എസ്.ഐ രാജൻ, എ.എസ്.ഐ ഉദയകുമാർ , എസ്.സി.പി.ഒ മാരായ ഹരികുമാർ, സന്തോഷ്, സി.പി.ഒ മാരായ ലിജു, അനീഷ് എന്നിവരടങ്ങുന്ന സംഘമാണ് റെയ്ഡ് നടത്തി വാഹനങ്ങൾ പിടികൂടിയത് .
