തെന്മല : സ്കൂൾ വിദ്യാർത്ഥികൾ ഉൾപ്പെടെയുള്ളവർക്ക് വിൽപ്പന നടത്തുക എന്ന ലക്ഷ്യത്തോടെ കടത്തിക്കൊണ്ടുവന്ന ഒരു കിലോയോളം വരുന്ന കഞ്ചാവുമായി ആര്യങ്കാവ് കഴുതുരുട്ടി ബിസ്മി മൻസിലിൽ കുഞ്ഞുമുഹമ്മദ് മകൻ സുലൈമാൻ (57) എന്നയാളാണ് തെന്മല പോലീസിൻറെ പിടിയിലായത്. ഇയാളുടെ കയ്യിൽ നിന്നും ഒരു കിലോയോളം തൂക്കംവരുന്ന കഞ്ചാവും പോലീസ് കണ്ടെടുത്തു. തെന്മല എസ്ഐ പ്രവീൺ, എസ് സിപിഒ പ്രതാപൻ, സി പി ഒ അനീഷ് ഡാൻസാഫ് അംഗങ്ങളായ എസ് ഐ ഷാജഹാൻ, അജയകുമാർ എന്നിവരടങ്ങുന്ന സംഘമാണ് കഞ്ചാവ് ഉൾപ്പെടെ പ്രതിയെ പിടികൂടിയത്.
