ഏറ്റുമാനൂര്: എം.സി.റോഡില് തെള്ളകത്ത് ടിപ്പര് ലോറിയും കാറും കൂട്ടിയിടിച്ചുണ്ടായ അപകടത്തില് രണ്ടുപേര്ക്ക് പരുക്കേറ്റു . വെള്ളിയാഴ്ച ഉച്ചയ്ക്ക് ഒരുമണിയോടെയായിരുന്നു സംഭവം . ഏറ്റുമാനൂര് ഭാഗത്തുനിന്നെത്തിയ കാര് മറ്റൊരു വാഹനത്തെ മറികടക്കുന്നതിനിടെ എതിരെവന്ന ടിപ്പര് ലോറിയിടിക്കുകയായിരുന്നു എന്ന് ദൃക്സാക്ഷികള് പറയുന്നു . കാറും ലോറിയും അമിതവേഗത്തിലായിരുന്നു. ഓടിക്കൂടിയ നാട്ടുകാരാണ് രക്ഷാപ്രവര്ത്തനം നടത്തിയത്.
കാറിലുണ്ടായിരുന്ന എറണാകുളം സ്വദേശികളായ രോഹിത്, ആന്റണി എന്നിവരെ തെള്ളകത്തെ സ്വകാര്യ ആശുപത്രിയില് പ്രവേശിപ്പിച്ചു. ഇവരുടെ പരുക്ക് ഗുരുതരമുള്ളതല്ല . തെള്ളകത്തെ സ്ഥിരം അപകടമേഖലയില് തന്നെയാണ് ഈ അപകടവും നടന്നത് . സംഭവത്തില് ഏറ്റുമാനൂര് പോലീസ് കേസെടുത്തു.