ആർ .എസ്. എസ് കൊട്ടാരക്കര താലൂക്ക് ഖണ്ഡിന്റെ ആഭിമുഖ്യത്തിൽ ഇന്ന് രാവിലെ 10 മണിക്ക് കൊട്ടാരക്കര പുലമൺ രവിനഗറിൽ നിന്നും കൊട്ടാരക്കര പോലീസ് സ്റ്റേഷനിലേക്ക് പ്രതിക്ഷേധ മാർച്ച് സംഘടിപ്പിച്ചിരിക്കുന്നതിനാൽ പൊതുജനങ്ങൾക്കും മറ്റും ഗതാഗത തടസ്സം നേരിടാതിരിക്കാൻ ഇന്ന് രാവിലെ 9 . 30 മണി മുതൽ കൊട്ടാരക്കര , എഴുകോൺ പോലീസ് സ്റ്റേഷൻ പരിധിയിൽ ഗതാഗത ക്രമീകരണങ്ങൾ ഏർപെടുത്തിയിട്ടുള്ളതായും, പൊതു ജനങ്ങളും മറ്റും സഹകരിക്കണമെന്നും കൊല്ലം റൂറൽ ജില്ലാ പോലീസ് മേധാവി ഹരിശങ്കർ ഐ. പി. എസ് അറിയിച്ചു.
1 . എഴുകോൺ ഭാഗത്തുനിന്നും കൊട്ടാരക്കര പുലമൺ ജംഗ്ഷനിലേക്കും മറ്റും പോകുന്ന ചെറിയ വാഹനങ്ങൾ കൊട്ടാരക്കര ഹെഡ് പോസ്റ്റോഫീസ് ജംഗ്ഷനിലുള്ള വൺവേ റോഡിലൂടെ തിരിഞ്ഞു റ്റി . ബി ജംഗ്ഷൻ , പാറ്റ്‌സ് ബിസിനസ് സ്കൂളിന്റെ മുൻവശത്തുള്ള റോഡിലൂടെ ഫെയ്‌ത് ഹോം ജംഗ്ഷനിലെത്തി പോകേണ്ടതാണ്. വലിയ വാഹനങ്ങൾ അമ്പലത്തുംകാല , നീലേശ്വരം , അമ്പലപ്പുറം, നെല്ലിക്കുന്നം , തൃക്കണ്ണമംഗൽ , പ്ലാപ്പള്ളി വഴി സദാനന്ദപുരത്തെത്തി പോകേണ്ടതാണ്.
2 . കൊട്ടാരക്കര ഭാഗത്തുനിന്നും കൊല്ലത്തേക്കും മറ്റും പോകേണ്ട വാഹനങ്ങൾ ചന്തമുക്ക് ,വൃന്ദാവൻ ജംഗ്ഷൻ , കൃഷിത്തോട്ടം മുക്ക് , ഇ. റ്റി . സി, കാടാകുളം, അമ്മുമ്മ മുക്ക് വഴി നീലേശ്വരം റോഡിലൂടെ അമ്പലത്തുംകാലയിൽ എത്തി പോകേണ്ടതാണ് .
3 . ഓയൂർ ഭാഗത്തു നിന്നും പുലമണിലേക്കും മറ്റും പോകുന്ന വാഹനങ്ങൾ തൃക്കണ്ണമംഗൽ, പ്ലാപ്പള്ളി വഴി സദാനന്ദപുരത്തെത്തി പോകേണ്ടതാണ്.
