കൊട്ടാരക്കരയിൽ നാളെ നടത്തുന്ന മലങ്കര ഓര്ത്തഡോക്സ് സുറിയാനി സഭ തെക്കന് മേഖലാ പ്രതിഷേധ മഹാസമ്മേളനത്തോടും റാലിയോടും അനുബന്ധിച്ച് പൊതുജനങ്ങള്ക്ക് യാത്രാക്ലേശം ഒഴിവാക്കുന്നതിനു വേണ്ടി ഉച്ചയ്ക്ക് ഒരു മണി മുതല് കൊട്ടാരക്കര, പുത്തൂര്, എഴുകോണ്, കുന്നിക്കോട് എന്നീ പോലീസ് സ്റ്റേഷന് പരിധിയില്പ്പെട്ട സ്ഥലങ്ങളില് ഗതാഗത ക്രമീകരണങ്ങള് ചുവടെ പറയും വിധം ഏര്പ്പെടുത്തിയിട്ടുള്ളതാണ്. ക്രമീകരണങ്ങളുമായി പൊതുജനങ്ങള് സഹകരിക്കണമെന്ന് കൊല്ലം റൂറല് ജില്ലാ പോലിസ് മേധാവി അറിയിച്ചു.
* അടൂര് ഭാഗത്ത് നിന്നും തിരുവനന്തപുരം ഭാഗത്തേക്കും മറ്റും പോകേണ്ട വാഹനങ്ങള് പുത്തൂര് മുക്കില് നിന്നും അന്തമണ്, പട്ടാഴി, രണ്ടാലുംമൂട്, കിഴക്കേതെരുവ്, ചെങ്ങമനാട്, വെട്ടിക്കവല, ചിരട്ടക്കോണം, വാളകം വഴി പോകേണ്ടതാണ്.
* തിരുവനന്തപുരം ഭാഗത്ത് നിന്നും വരുന്ന വാഹനങ്ങള് സദാനന്ദപുരം, പ്ലാപ്പള്ളി, തൃക്കണ്ണമംഗല്, ചന്തമുക്ക്, പള്ളിക്കല്, പൂവറ്റൂര്, പുത്തൂര്മുക്ക് വഴി പോകേണ്ടതാണ്.
* പുനലൂര് ഭാഗത്ത് നിന്നും കൊല്ലത്തേക്കും മറ്റും പോകേണ്ട വാഹനങ്ങള് ചെങ്ങമനാട്, വെട്ടിക്കവല വഴി സദാനന്ദപുരം മോട്ടല് ജംഗ്ഷനില് എത്തി പ്ലാപ്പള്ളി, തൃക്കണ്ണമംഗല്, ചന്തമുക്ക് വഴി പോകേണ്ടതാണ്.
* കൊല്ലത്തു നിന്നും പുനലൂരിലേക്കും മറ്റും പോകുന്ന വാഹനങ്ങള് അമ്പലത്തുംകാല, നീലേശ്വരം, അമ്മൂമ്മമുക്ക്, കാടാകുളം, തൃക്കണ്ണമംഗല്, പ്ലാപ്പള്ളി, സദാനന്ദപുരം, വെട്ടിക്കവല, ചെങ്ങമനാട് വഴി പോകേണ്ടതാണ്.
കൊട്ടാരക്കരയില് ഗതാഗത ക്രമീകരണം ഒരുക്കിയിട്ടുള്ളതു കൊണ്ടും അന്നേ ദിവസം തന്നെ തിരുവനന്തപുരം കാര്യവട്ടം ഗ്രീന്ഫീല്ഡ് സ്റ്റേഡിയത്തില് ഇന്ത്യ-ബംഗ്ളാദേശ് ട്വന്റി-ട്വന്റി മല്സരം നടക്കുന്നതിനാലും കേരളത്തിന്റെ വടക്കന് ജില്ലകളില് ഉള്പ്പെടെ ഉള്ളവരും തിരുവനന്തപുരത്തേക്കുള്ള യാത്രാമാര്ഗമായി ഉപയോഗിക്കുന്നത് എം സി റോഡ് ആയതിനാല് പകല് തിരക്കും യാത്രാക്ലേശവും അനുഭവപ്പെടാന് സാദ്ധ്യതയുള്ളതിനാല് യാത്രക്കാര് വേണ്ട മുന്കരുതല് സ്വീകരിക്കണമെന്നും അറിയിക്കുന്നു.