കൊട്ടാരക്കര : മഹാത്മാ ഗാന്ധിയുടെ 150-മത് ജന്മദിനാഘോഷത്തിന്റെ ഭാഗമായി തൃക്കണ്ണമംഗൽ സി.വി.എൻ.എം എൽ.പി.എസിന്റെ ആഭിമുഖ്യത്തിൽ ‘ബാപ്പുജി @ 150’ മഹാത്മാഗാന്ധിയുടെ പാദസ്പർശമേറ്റ തൃക്കണ്ണമംഗലിൽ വർണ്ണപകിട്ടാർന്ന ചടങ്ങുകളോടെ നടത്തി. ഗാന്ധിജിയുടെ സന്ദർശനത്തിന്റെ ഓർമ്മയ്ക്കായി സ്ഥാപിച്ച ഗാന്ധി പ്രതിമയിൽ വിദ്യാർത്ഥികൾ പുഷ്പാർച്ചന നടത്തി. സ്‌കൂൾ അങ്കണത്തിൽ നിന്ന് ആരംഭിച്ച ശാന്തിയാത്ര കെ.ഒ.രാജുക്കുട്ടി ഫ്ലാഗ് ഓഫ് ചെയ്തു. തുടർന്ന് നടന്ന ഗാന്ധിദർശൻ സമ്മേളനം കേരള ഫീഡ്സ് ചെയർമാൻ കെ.എസ്.ഇന്ദുശേഖരൻ നായർ ഉദ്ഘാടനം ചെയ്തു. ഗാന്ധിയൻ ദർശനങ്ങളുടെ പ്രസക്തി നാൾതോറും വർദ്ധിച്ചു വരുന്നതായി അദ്ദേഹം പറഞ്ഞു. ഹെഡ്മിസ്ട്രസ് പി.ശോഭ അധ്യക്ഷത വഹിച്ചു. മുൻസിപ്പൽ കൗൺസിലർ നെൽസൻ തോമസ് മുഖ്യ പ്രഭാഷണം നടത്തി. ഡോ. സന്തോഷ്.കെ. തര്യൻ, സജി ചേരൂർ ,ബി.ഷീന, ബി.രാജി മോൾ എന്നിവർ പ്രസംഗിച്ചു.
വാർത്ത: സജീചേരൂർ
