കൊട്ടാരക്കര: കൊല്ലം റൂറൽ ജില്ലയുടെ അതിർത്തി പ്രദേശമായ കോട്ടവാസൽ മുതൽ തെന്മല വരെ ഹൈവേ പെട്രോളിംഗിന് കൺട്രോൾ റൂം വാഹനം അനുവദിച്ചു.
ജില്ലാ പോലീസ് മേധാവിയുടെ ഹരിശങ്കർ ഐപിഎസ് ന്റെ നിർദ്ദേശ പ്രകാരമാണ് ഹൈവേ പെട്രോളിംഗിന് വാഹനം അനുവദിച്ചത്. 24 മണിക്കൂറും അതിർത്തിയിലെ പെട്രോളിംഗ് ശക്തമാക്കുന്നതിനും, അടിയന്തിര സാഹചര്യങ്ങളിൽ സഹായം എത്തിക്കുന്നതിനും, പാലരുവി, തെന്മല ഇക്കോടൂറിസം എന്നിവിടങ്ങളിൽ എത്തുന്ന വിനോദ സഞ്ചാരികൾക്ക് സുരക്ഷ ഉറപ്പാക്കുന്നതിനും, കൺട്രോൾറൂം വാഹനത്തിന്റെ സേവനം പ്രയോജനപ്പെടുത്താൻ സാധിക്കുമെന്ന് ജില്ലാ പോലീസ് മേധാവി അറിയിച്ചു.