കൊട്ടാരക്കര : കൊല്ലം അഞ്ചാലുംമൂട് പ്രാക്കുളം സ്വദേശി അജിത്തിന് കിഡ്നി വാഗ്ദാനം ചെയ്ത് ലക്ഷങ്ങൾ തട്ടിയെടുത്ത പ്രതികൾ പിടിയിൽ. മുതുപിലാക്കോട് ശാസ്താംകോട്ട മംഗലത്ത് വീട്ടിൽ അജയൻ (46), പുനലൂർ പ്ലാച്ചേരി ചരുവിള വീട്ടിൽ രമേശ് (29), കരുനാഗപ്പള്ളി ഗവൺമെൻറ് ആശുപത്രിക്ക് സമീപം ചൈത്രം വീട്ടിൽ രതീഷ് (27) എന്നിവരാണ് കൊട്ടാരക്കര പോലീസിന്റെ പിടിയിലായത്.
കൊട്ടാരക്കര ഡി.വൈ.എസ്.പി. നാസ്സറുദ്ദീൻ, സി.ഐ.ബിനുകുമാർ, എസ്സ്.ഐ മാരായ രാജീവ്, സാബുജി പോലീസുകാരായ രാജേഷ്, ബിനു ജോർജ്ജ്, അജു ഡി തോമസ്, രതീഷ്, സുനിൽ എന്നിവർ ചേർന്നാണ് പ്രതിയെ അറസ്റ്റ് ചെയ്തത്. സമാനമായ നിരവധി തട്ടിപ്പുകൾ ഇവർ നടത്തിയിട്ടുള്ളതായി പറയുന്നു.
