കൊട്ടാരക്കര : ഓടിക്കേണ്ട സമയക്രമങ്ങളും, മറ്റു നിയമങ്ങളും ലംഘിച്ച് സ്കൂൾ സമയത്ത് അമിത വേഗതയിൽ ഓടിച്ച 48 ടിപ്പർ ലോറികൾ കൊല്ലം റൂറൽ ജില്ലാ പോലീസ് പിടികൂടി. രാവിലെ 8:30 മുതൽ 10 മണിവരെയും വൈകുന്നേരം 3:30 മുതൽ 4:30 വരെയുമുള്ള സ്കൂൾ സമയങ്ങളിൽ ടിപ്പറുകളുടെ ഓട്ടത്തിന് നിയന്ത്രണം ഏർപ്പെടുത്തിയിട്ടുള്ളതാണ്. ആയത് ലംഘിച്ചതിനും മറ്റ് നിയമങ്ങൾ പാലിക്കാത്തതിനും കൊല്ലം റൂറൽ ജില്ലയിൽ 20, 21 തീയതികളിൽ നടത്തിയ സ്പെഷ്യൽ ഡ്രൈവിന്റെ ഭാഗമായി വിവിധ പോലീസ് സ്റ്റേഷനുകളിൽ 48 കേസുകൾ രജിസ്റ്റർ ചെയ്തു.
കുണ്ടറ – 3
ഈസ്റ്റ് കല്ലട – 3
ശാസ്താംകോട്ട – 4
ശൂരനാട് – 1
കൊട്ടാരക്കര – 4
പുത്തൂർ – 2
എഴുകോൺ – 1
പൂയപ്പള്ളി – 2
പുനലൂർ – 2
കുന്നിക്കോട് – 6
അഞ്ചൽ – 3
ഏരൂർ – 1
കുളത്തൂപ്പുഴ-3
തെന്മല – 9
കടക്കൽ – 3
എന്ന ക്രമത്തിലാണ് നടപടി സ്വീകരിച്ചത്.
ടിപ്പറുകളുടെ നിയമ ലംഘനത്തിനെതിരെ വരും ദിവസങ്ങളിലും കര്‍ശന നടപടികൾ സ്വീകരിക്കുമെന്നു ജില്ലാ പോലീസ് മേധാവി ഹരിശങ്കർ ഐ.പി.എസ് അറിയിച്ചു.
