തിരുവനന്തപുരം: കാലവര്ഷക്കെടുതിയില് ദുരന്തബാധിതരായവര്ക്ക് 10,000 രൂപ അടിയന്തരസഹായമായി നല്കുമെന്ന് മുഖ്യമന്ത്രി പിണറായി വിജയന്. ദുരന്തത്തില് മരിച്ചവരുടെ കുടുംബത്തിന് നാല് ലക്ഷം രൂപ ആശ്വാസധനം അനുവദിക്കുമെന്നും മുഖ്യമന്ത്രി പറഞ്ഞു.
മഴയിലും ഉരുള്പൊട്ടലിലും വീട് നഷ്ടപ്പെട്ടവര്ക്ക് നാലു ലക്ഷം രൂപയും വീടും സ്ഥലവും പൂര്ണമായി നശിച്ചവര്ക്ക് പത്തുലക്ഷം രൂപയും നല്കാനും തീരുമാനമായി. വില്ലേജ് ഓഫീസറും പഞ്ചായത്ത് സെക്രട്ടറിയും പട്ടിക തയാറാക്കിയശേഷമാകും ധനസഹായ വിതരണം നല്കുകയെന്നും മുഖ്യമന്ത്രി അറിയിച്ചു. കാലവര്ഷക്കെടുതിയുണ്ടായ വില്ലേജുകളെ പ്രളയ ബാധിത മേഖലകളായി പ്രഖ്യാപിക്കും. ഇതിനായി ദുരന്ത നിവരാണ ചട്ടങ്ങള് അനുസരിച്ച് വിജ്ഞാപനം പുറപ്പെടുവിക്കുമെന്നും മുഖ്യമന്ത്രി വ്യക്തമാക്കി.