കൊട്ടാരക്കര: വിദ്യാലയങ്ങൾ കേന്ദ്രീകരിച്ച് കഞ്ചാവ് വിൽപ്പനയും, ഉപയോഗവും നടത്തിവന്ന സംഘത്തെ കൊട്ടാരക്കര പോലീസ് അറസ്റ്റു. കൊട്ടാരക്കരയ്ക്ക് സമീപമുള്ള സ്കൂളിലെ കുട്ടികൾക്ക് കഞ്ചാവ് വിൽപ്പന നടത്താൻ ശ്രമിക്കുന്നതിന് ഇടയിലാണ് സംഘം പിടിയിലായത്. പ്രതികൾ രക്ഷപെടാൻ ഉപയോഗിച്ച ബുള്ളറ്റ് ബൈക്കും കസ്റ്റഡിയിലെടുത്തു. പവിത്രേശ്വരം ഇടവട്ടം ഗോകുലം വീട്ടിൽ രാഹുൽനാഥ് (25), നെടുവത്തൂർ താമരശ്ശേരി വീട്ടിൽ കേശു എന്ന് വിളിക്കുന്ന രാഹുൽ (29) , അവണൂർ വിളയിൽ വീട്ടിൽ ബാലഗണേശ് , കൊട്ടാരക്കര പടിഞ്ഞാറ്റിൻകര നെടിയശാലത്തെക്കതിൽ വീട്ടിൽ നൗഫൽ (21), കൊട്ടാരക്കര പടിഞ്ഞാറ്റിൻകര സരസ്വതി വിലാസം വീട്ടിൽ ശ്യാംനാഥ് (24) എന്നിവരാണ് അറസ്റ്റിലായത്. പ്രതികളിൽ ചിലർക്ക് ഇടുക്കി, കാസർഗോഡ് ജില്ലകളിൽ കഞ്ചാവ് കേസുകളുണ്ട്. സ്കൂളുകൾ കേന്ദ്രീകരിച്ച് കഞ്ചാവ് വില്പന നടക്കുന്നു എന്ന രഹസ്യ വിവരം ജില്ലാ പോലീസ് മേധാവി ഹരിശങ്കർ ഐ.പി.എസ് ന് ലഭിച്ചതിനെ തുടർന്ന് കൊട്ടാരക്കര ഡി.വൈ.എസ്.പി നിർദ്ദേശ പ്രകാരം കൊട്ടാരക്കര എസ്.എച്ച്.ഒ ശിവപ്രകാശിന്റെ നേതൃത്വത്തിൽ DANSAF അംഗങ്ങളായ എ.എസ്. ഐ ആശിഷ് കോഹൂർ , എസ്.സി.പി.ഒ രാധാകൃഷ്ണപിളള, കൊട്ടാരക്കര പോലീസ് സ്റ്റേഷൻ എസ്.ഐ മാരായ സാബുജി, രാജൻ എ.എസ്ഐ മാരായ വിശ്വനാഥൻ, അജയകുമാർ എന്നിവർ എന്നിവർ ചേർന്നാണ് പ്രതികളെ അറസ്റ്റ് ചെയ്തത്.