കൊല്ലം : പീഡനത്തിന് ഇരയായ 13 കാരി ആത്മഹത്യ ചെയ്ത കേസിൽ ഒളിവിലായിരുന്ന പ്രതി പിടിയിൽ . 2017 ൽ ക്ലാപ്പന സ്വദേശിയായ സ്കൂൾ വിദ്യാർത്ഥിയെ പീഡിപ്പിച്ച ശേഷം കരിക്കോട്ടു മഹിളാമന്ദിരത്തിൽ ആക്കുകയും, അവിടെ വെച്ചു കുട്ടി ആത്മഹത്യ ചെയ്യുകയുമായിരുന്നു . സംഭവത്തെ തുടർന്ന് ഒളിവിൽ പോയ പ്രതി കൊല്ലം ഒാച്ചിറ സ്വദേശി സുനില്കുമാര് ഭദ്രനെ (39) സിറ്റി പൊലീസ് കമ്മിഷണർ മെറിൻ ജോസഫിന്റെ നേതൃത്വത്തിൽ ഇന്റർപോളിന്റെ സഹായത്തോടെ സൗദി അറേബ്യയിലെ റിയാദിൽ വെച്ചു അറസ്റ്റു ചെയ്തു . മൂന്നാഴ്ച മുൻപു ഇന്റര്പോള് കസ്റ്റഡിയിലെടുത്ത പ്രതി ഇപ്പോള് റിയാദിലെ അല്ഹൈര് ജയിലിലാണ് ഉള്ളത് ,തിങ്കളാഴ്ച കേരളത്തിൽ കൊണ്ട് വരും. കൊല്ലം ഡിസ്ട്രിക്റ്റ് ക്രൈം റിക്കാര്ഡ്സ് ബ്യൂറോ അസിസ്റ്റന്റ് പൊലീസ് കമീഷണര് എം. അനില്കുമാര്, ഒാച്ചിറ സര്ക്കിള് ഇന്സ്പെക്ടര് ആര് പ്രകാശ് എന്നിവരുടെ സംഘമാണ് സിറ്റി പൊലീസ് കമ്മിഷണർ മെറിൻ ജോസേഫിനോടൊപ്പം റിയാദിൽ എത്തിയത് .