കൊട്ടാരക്കര : കൊട്ടാരക്കര പുത്തൂർ റോഡിൽ കോട്ടാത്തല പണയിൽ ജംഗ്ഷനും പത്തടിക്കും ഇടയിൽ സ്വകാര്യ ബസ് അപകടത്തിൽ പെട്ടു. വൈകിട്ട് 6 മണിയോടെ ആണ് സംഭവം. നിയന്ത്രണം വിട്ട ബസ് റോഡ് അരികിലെ വൈദ്യുതപോസ്റ്റ് ഇടിച്ചു തെറിപ്പിച്ചു. 11 കെ. വി വൈദ്യുതി കടന്നുപോകുന്ന പോസ്റ്റ് ആണ് ഇടിച്ചു തെറിപ്പിച്ചത്.
പത്തടി തോടിനോട് ചേർന്നാണ് ബസ് നിന്നത്. വൻ അപകടം ഒഴിവായി. ആർക്കും പരിക്കില്ല. കൊട്ടാരക്കര നിന്നും ഫയർ ഫോഴ്സ്, പോലീസ് എത്തി രക്ഷാപ്രവർത്തനത്തിന് നേതൃത്വം നൽകി. നാട്ടുകാരുടെ സഹായത്തോടെ ശ്രമകരമായിട്ടാണ് യാത്രക്കാരെ പുറത്ത് ഇറക്കിയത്. പ്രദേശത്തെ വൈദുതി ബന്ധം തകരാറിലായി. റോഡ് നിർമാണം നടക്കുന്നതിനാൽ കുണ്ടും കുഴിയുമുള്ള റോഡ് ആയിട്ടും അമിത വേഗത്തിലാണ് ബസ് വന്നതെന്ന് നാട്ടുകാർ പറയുന്നു. കൊട്ടാരക്കര പോലീസ് കേസ് എടുത്തു.
