കൊട്ടാരക്കര താലൂക്ക് പരിധിയിലുള്ള സ്കൂൾ വാഹനങ്ങളുടെ ഡ്രൈവർമാർക്കും ആയമാർക്കും റോഡ് സുരക്ഷാ സംബന്ധമായ ട്രയിനിംഗ് ക്ലാസ് 2019 മെയ് 29 ൽ നടത്തുകയുണ്ടായി . ട്രയിനിംഗിൽ പങ്കെടുത്തവർക്ക് മോട്ടോർ വാഹന വകുപ്പ് ബാഡ്ജ് വിതരണം നടത്തി. കൊട്ടാരക്കര ജോയിന്റ് ആർ റ്റി ഒ കെ. എസ് ഷിബുവിന്റെ അദ്ധ്യക്ഷതയിൽ മൈലം എം. ജി. എം സ്കൂളിൽ വച്ച് നടന്ന ചടങ്ങിൽ കൊല്ലം ആർ റ്റി ഒ വി. സജിത്ത് ബാഡ്ജ് വിതരണം വിർവഹിച്ചു .
സ്കൂൾ വാഹനത്തിന്റെ ആയമാർ ശ്രദ്ധികേണ്ട കാര്യങ്ങളെപ്പറ്റി കൊല്ലം ആർ റ്റി ഒ വിശദീകരിച്ചു . പ്രസ്തുത ചടങ്ങിൽ മോട്ടോർ വെഹിക്കിൾസ് ഇൻസ്പെക്ടർമാരായ ഡി. ശ്രീകുമാർ , ദിനൂപ് പി. ജി എന്നിവർ സംസാരിച്ചു.