കൊട്ടാരക്കര : കേരളാ പോലീസ് വിദ്യാഭ്യാസ വകുപ്പ് ഉൾപ്പെടെ വിവിധ വകുപ്പുകളുടെ സഹകരണത്തോടെ വിജയകരമായി നടപ്പിലാക്കി വരുന്ന സ്റ്റുഡൻറ് പോലീസ് കേഡറ്റ് പദ്ധതി കൊല്ലം റൂറൽ ജില്ലയിലെ തെരെഞ്ഞെടുക്കപ്പെട്ട 27 സ്കൂളികളിൽ ചിട്ടയായി നടന്നു വരുന്നു. കുട്ടികളിൽ അച്ചടക്കവും വ്യക്തിത്വ വികസനവും സാമൂഹിക പ്രതിബദ്ധതയും നിയമബോധവും ക്രീയാത്മക ആരോഗ്യശീലവും വളർത്തിയെടുക്കുന്നതിനും സമൂഹത്തിന് ഉതകുന്ന ഉത്തമ പൗരന്മാരെ വാർത്തെടുക്കുന്നതിനും ലക്ഷ്യമിട്ടാണ് എസ്സ്. പി .സി പദ്ധതി തുടങ്ങിയത്. എസ്സ്. പി .സി ഇന്ന് കേരളത്തിന് അഭിമാനമായി മാറിയിരിക്കുകയാണ്.
കൊല്ലം റൂറൽ ജില്ലയിലെ സ്കൂളുകളിൽ പരിശീലനം പൂർത്തിയാക്കിയവരിൽ നിന്നും തെരെഞ്ഞെടുക്കപ്പെട്ട നാനൂറോളം കെഡറ്റുകളെ പങ്കെടുപ്പിച്ചു കൊണ്ട് നക്ഷത്രകൂട്ടം 2019 എന്ന പേരിൽ ജില്ലാതല സമ്മർ ക്യാമ്പ് മെയ് 6 നു വൈകിട്ട് 5 മണിക്ക് പവിത്രേശ്വരം കെ. എൻ. എൻ. എം. വി. എച്ച്. എസ് എസ്സിൽ കൊല്ലം റൂറൽ ജില്ലാ അഡീഷണൽ എസ് പി എ . ഷാനവാസിന്റെ അദ്ധ്യക്ഷതയിൽ കൊല്ലം റൂറൽ ജില്ലാ പോലീസ് മേധാവി കെ. ജി . സൈമൺ ഐ .പി . എസ്സ് ഉദ്ഘാടനം ചെയ്തു.
കുട്ടികളിൽ സമത്വ ബോധവും, ബുദ്ധി ശക്തിയും പഠന നിലവാരവും, മാനസിക ഉല്ലാസവും വർദ്ധിപ്പിക്കുന്നതിനുതകുന്ന ക്ലാസുകളും , കേഡറ്റുകൾക്ക് വിവിധ വിഷയങ്ങളിൽ ചർച്ചകൾക്കും സംവാദങ്ങൾക്കുമുള്ള അവസരങ്ങളും ഒരുക്കി കൊണ്ടാണ് ക്യാമ്പ് സംഘടിപിച്ചിട്ടുള്ളത്. റിട്ടാ. ഡി.ജി.പി ഡോ. അലക്സാണ്ടർ ജേക്കബ് ഐ.പി.എസ്സ് , ഐ ജി പി . വിജയൻ, കവി കുരീപ്പുഴ ശ്രീകുമാർ, സൈക്യാട്രീസ്റ്റുകളായ ഡോ. മോഹൻ കുമാർ, ഡോ. ദേവീരാജ്, എൽ . ആർ മധുജാൻ, മോട്ടിവേഷണൽ സ്പീക്കർ ബ്രഹ്മനായകം മഹാദേവൻ , സ്പീഡ് കാർട്ടൂണിസ്ററ് ജിതേഷ് .ജി , സിനി ആർട്ടിസ്റ്റ് കിഷോർ, മജീഷ്യൻ ഡോക്ടർ ഇടയ്ക്കിടം ശാന്തകുമാർ, കൗൺസിലർ ജാഫർ സലിം തുടങ്ങിയവർ കേഡറ്റുകളുമായി സംവാദനം നടത്തി .
ഉദ്ഘാടന സമ്മേളനത്തിൽ ജില്ലാ വിദ്യാഭ്യാസ ഓഫീസർ ശ്രീകല കെ. എസ് , ജില്ലാ ഫയർ ഓഫീസർ കെ ഹരികുമാർ, കൊട്ടാരക്കര ഡി വൈ എസ് പി വി. എസ്സ് ദിനരാജ്, പുനലൂർ ഡി.വൈ.എസ്.പി ഷീൻ തറയിൽ , കൊട്ടാരക്കര ഡി. ഇ. ഓ. ഇൻചാർജ് മല്ലിക .ഇ , എഴുകോൺ ഇൻസ്പെക്ടർ അനിൽ .ബി, സ്കൂൾ പ്രിൻസിപ്പൽമാരായ എസ്. സുരേഷ് കുമാർ. റ്റി , ദീപാ ലക്ഷ്മി, ഹെഡ്മാസ്റ്റർ കെ. ബി മുരളി കൃഷ്ണൻ, എ.ഡി. എൻ.ഓ റ്റി. രാജീവ്, കെ. പി. ഓ. എ ജില്ലാ സെക്രട്ടറി കെ. ഉണ്ണികൃഷ്ണപിള്ള കെ.പി.എ ജില്ലാ സെക്രട്ടറി വി.പി ബിജു , പി. റ്റി. എ പ്രസിഡൻറ് എ. സുനിൽ കുമാർ, സ്കൂൾ അഡ്മിനിസ്ട്രേറ്റർ കെ. മണി സി. പി. ഓ പ്രമോദ് .ജി. കൃഷ്ണൻ എന്നിവർ ആശംസകൾ അർപ്പിച്ചു സംസാരിച്ചു. 15 നു രാവിലെ ൮.൩൦ ന് കേഡറ്റുകളുടെ സെറിമോണിയൽ പരേഡിൽ കൊല്ലം റൂറൽ ജില്ലാ പോലീസ് മേധാവി കെ. ജി സൈമൺ ഐ. പി. എസ് സല്യൂട്ട് സ്വീകരിക്കുന്നതോടെ സമാപിക്കും .