കൊട്ടാരക്കര :റോഡ് സുരക്ഷാവാരാചരണത്തിൻ്റെ ഭാഗമായി കൊട്ടാരക്കര ജോയിൻ്റ് ആർ ടി ഒ യുടെ നേതൃത്വത്തിൽ മുട്ടറ ഗവൺമെൻ്റ് ഹൈസ്കൂൾ പരിസരത്ത് നടത്തിയ വാഹനപരിശോധനയിൽ അനധികൃതമായി രൂപമാറ്റം വരുത്തിയ മോട്ടോർ സൈക്കിളുകൾ പിടികൂടുകയും പിഴ ഈടാക്കുകയും ചെയ്തു.
ഇത്തരത്തിൽ രൂപമാറ്റം വരുത്തുന്ന വാഹനങ്ങൾക്കെതിരെ തുടർന്നും പരിശോധന നടത്തി കർശന നടപടി സ്വീകരിക്കുന്നതാണെന്ന് കൊട്ടാരക്കര ജോയിൻ്റ് ആർ ടി ഒ അറിയിച്ചു. പരിശോധനയിൽ എം വി ഐ ശ്രീകുമാർ, എ എം വി ഐ മാരായ ബൈജു എസ്, അഭിലാഷ് എസ് എന്നിവർ പങ്കെടുത്തു.
കൂടാതെ വാരാചരണത്തിൻ്റെ ഭാഗമായി കൊട്ടാരക്കര താലൂക്കിലെ ഡ്രൈവിംഗ് സ്കൂൾ ഇൻസ്ട്രക്ടർമാർക്കും വർക്കർമാർക്കും വേണ്ടി വാളകത്ത് നടത്തിയ ബോധവൽക്കരണ ക്ലാസിൽ 44 പേർ പങ്കെടുത്തു.