കൊട്ടാരക്കര : തൃക്കണ്ണമംഗൽ സി വി എൻ എം എൽ പി എസ് സ്കൂളിൽ വച്ചുനടക്കുന്ന വർണ്ണ മേഘം എന്ന തത്സമയ ചിത്രരചന, പ്രദർശനം, വില്പന, എന്നിവയുടെ ഉദ്ഘാടനം നിർവഹിച്ചു. നവ കേരള നിർമ്മാണത്തിന് ഒരു കൈത്താങ്ങൽ എന്ന ലക്ഷ്യത്തോടെ ഗ്രേസ് നഗർ റസിഡൻ്റ്സ് അസോസിയേഷനും എസ്. കെ. വി.എച്ച്. എസിലെ എസ്.പി.സി യൂണിറ്റും സംഘടിപ്പിച്ച തൽസമയ ചിത്രരചനയും പ്രദർശനവും ജില്ലാ പോലീസ് മേധാവി. ബി. അശോകൻ ഐ.പി.എസ് നിർവഹിച്ചു.
ഇതിൻ്റെ ഭാഗമായി എസ്.പി.സി കേഡറ്റുകളുടെ ദീപശിഖാപ്രയാണം ഉണ്ടായിരുന്നു.
ഗ്രേസ് നഗർ പ്രസിഡൻ്റ് ജേക്കബ് ജോർജ്ജ് അദ്ധ്യക്ഷനായിരുന്നു. കൌൺസിലർമാരായ പവിജാപത്മൻ, ലീനാ ഉമ്മൻ, നെൽസൻ തോമസ്, തോമസ് പി മാത്യു, സ്കൂൾ മാനേജർ ജെ. ഗോപകുമാർ, പ്രഥമാദ്ധ്യാപകൻ എം. ബി മുരളീധരൻപിള്ള, ,സി.പി.ഒ എസ് പ്രദീപ് കുമാർ, എന്നിവർ പ്രസംഗിച്ചു. 25 കലാകാരൻമാരുടെ തത്സമയ ചിത്രരചനയും പ്രദർശനവും നടന്നു.
ഇതിൽ നിന്നും സമാഹരിക്കുന്ന മുഴുവൻ തുകയും നവകേരള നിർമ്മാണത്തിനായി നൽകുമെന്ന് ഭാരവാഹികൾ അറിയിച്ചു.