വിശാഖപട്ടണം: വൈഎസ്‌ആര്‍ കോണ്ഗ്രസ് അധ്യക്ഷന് ജഗന്‍ മോഹന്‍ റെഡ്ഡിക്ക് നേരെ അക്രമം.വിശാഖപട്ടണം വിമാനത്താവളത്തില്‍ വെച്ചാണ് കുത്തേറ്റത് . ജഗന്‍ മോഹന്‍ റെഡ്ഡിയുടെ ഇടത് കൈക്കാണ് പരിക്ക്. അക്രമിയെ വിമാനത്താവളം പൊലീസ് പിടികൂടി. സെല്‍ഫി എടുക്കാന്‍ ആവശ്യപ്പെട്ട് എത്തിയ യുവാവാണ് ജഗന്‍ മോഹന്‍ റെഡ്ഡിയെ കുത്തിയത്. സര്‍ക്കാരിൻ്റെ ഭാഗത്തു നിന്ന് വലിയ സുരക്ഷാ വീഴ്ചയാണ് സംഭവിച്ചതെന്ന് വൈഎസ്‌ആര്‍ പറഞ്ഞു. 160 സീറ്റുകളില്‍ വൈഎസ്‌ആര്‍ കോണ്ഗ്രസ് അധികാരത്തില്‍ വരുമെന്ന് പറഞ്ഞാണ് യുവാവ് കുത്തിയതെന്നാണ് ഒപ്പമുണ്ടായിരുന്നവര്‍ പറയുന്നത്. സെല്‍ഫി എടുത്ത ശേഷം തിരഞ്ഞ് ആക്രമിക്കുകയായിരുന്നു യുവാവ്.
