തിരുവനന്തപുരം: പെട്രോളിനും ഡീസലിനും കേന്ദ്ര സർക്കാർ രണ്ടര രൂപ കുറച്ചതു സംസ്ഥാന നികുതിയിൽ വരുന്ന ആനുപാതിക കുറവു കൂടി ചേർത്ത്. എണ്ണക്കമ്പനികൾ ഒരു രൂപ കുറയ്ക്കുമെന്ന കേന്ദ്ര ധനമന്ത്രി അരുൺ ജയ്റ്റ്ലിയുടെ പ്രഖ്യാപനം സത്യത്തിൽ നടപ്പാക്കിയിട്ടില്ല . പെട്രോൾ ലീറ്ററിനു കേരളത്തിൽ 3.25 രൂപയും ഡീസലിനു 3.06 രൂപയും വരെ കുറയാനുള്ള സാധ്യതയാണ് ഇതുമൂലം ഇല്ലാതായത്. എക്സൈസ് ഡ്യൂട്ടിയിൽ ഒന്നര രൂപയും എണ്ണക്കമ്പനികളുടെ ഒരു രൂപ കിഴിവും ചേർത്ത് ആകെ രണ്ടര രൂപ കുറയ്ക്കുമെന്നായിരുന്നു ജയ്റ്റ്ലിയുടെ പ്രഖ്യാപനം .
